Louis van Gaal amesema baadhi ya viwanja vya klabu za ligi kuu England vina miundombinu mibovu na alikuwa analazimika kukaa kwenye vyoo vilivyopo ndani ya vyumba vya kubadilishia nguo.
Kocha huyo wa Manchester United ameiambia Televisheni ya klabu hiyo, MUTV kuwa baadhi ya vyumba vya kubadilishia nguo vinavyotumika kwenye ligi kuu England vilimshangaza katika mwaka wake wa kwanza.
Van Gaal amesema: "Ninaweza kusema vitu chanya na hasi. Ngoja tuanze na hasi. Vyumba vya kuvalia nguo kwa wachezaji kwenye viwanja vingi ni vibovu.".
"Pia hakuna sehemu ya kocha kukaa, mara nyingi sana nimekuwa nikikaa chooni. Sio kwamba ninakaa chuoni kufanya kitu (kujisaidia) bali ni kwasababu hakuna nafasi ya kukaa. Imenishangaza sana".
Kuhusu kitu chanya, Van Gaal amesema ligi kuu England ni hai hakuna mfano, mashabiki wanapenda soka na soka linaishi kwenye akili na mioyo yao.
0 comments:
Post a Comment