SIMBA YAKUBALIANA NA MGOSI......KILICHOBAKI NI KUMWAGA WINO

WEKUNDU wa Msimbazi, Simba wametangaza kumsajili kwa mara nyingine mshambuliaji wake wa zamani, Mussa Hassan Mgosi.

Mwenyekiti wa Kamati ya Usajili ya Simba, Zacharia Hans Poppe amesema kuwa wamekubaliana na Mgosi na atasaini mkataba wa mwaka mmoja.

“Tumeshamalizana na Mgosi, tumemrudisha kundini. Kweli tumeridhishwa na kazi yake kwa msimu uliopita. Kumbuka Mgosi ni mchezaji wetu, tulikuwa naye hapa, hapa ninyumbani kwake”.

“Lengo ni kuwa na wakongwe ambao watasaidiana na vijana, tunataka kufanya naye kazi kwa mwaka mmoja,” amesema Hans Poppe usiku.

Kwa upande wake,  Mgosi amesema kwamba hadi Jumatatu, ndiyo atakuwa amemaliza na Simba.

“Kweli ni hivyo,  lakini hadi Jumatatu tunaweza tukawa tumemalizana na Simba, nitakueleza vizuri ikiwa tayari,” amesema Mgosi alipoongea na E-fm usiku huu.