MWENYE PAUNI MILIONI 32.5 ANAPATA HUDUMA YA BENTEKE

Na Ramadhani Ngoda

Meneja wa Aston Villa, Tim Sherwood ameonesha kukata tamaa ya kumbakisha mshambuliaji wake raia wa Ublgiji Christian Benteke kutoikana na kipengele cha mkataba wake kinachomruhusu kuondoka endapo timu itafika bei ya pauni million 32.5.

Sherwood ana uhakika kuwa Mbelgiji huyo anataka kubaki Villa Park lakini amekiri itakuwa vigumu kutokana na kipengele hicho kilichopo kwenye mkataba wake aliosaini miezi miwili iliyopita, anaweza kuondoka kama kiwango hicho cha fedha kitafikiwa na timu inayomhitaji.

“Kuna kipengele cha bei katika mkataba wake hivyo itakuwa vigumu kumzuia kuondoka pale atakapohitaji. Timu yoyote inayomuhitaji inabidi kufika bei hiyo vinginevyo itakuwa ngumu kwa sababu hatutaki kumpoteza,” alisema Sherwood.

Christian Benteke(kulia) akiwa na kocha wake Tim Sherwood(kushoto)

Vilabu vya Arsenal, Chelsea, Liverpool na Manchester United tayari wameonesha nia ya kusaka dole gumba la mshambuliaji huyo aliyetoa mchango mkubwa kwa klabu hiyo ikiwemo kufika fainali ya kombe la FA watakayokipiga dhidi ya Arsenal katika dimba la Wembley wikiendi hii, pia akifunga mabao 12 katika mechi 12 za mwisho.

Sherwood hakusita kumuonya nyota wake wake huyo juu ya kukurupuka kuhama Villa Park kabla ya michuano ya EURO 2016 kutokana na kutokuwa na uhakika wa namba ya kudumu kwenye  klabu atakayohamia na kuhatarisha nafasi yake kwenye timu taifa.

“Ni mashindano ambayo Ubelgiji ni moja ya timu zinatazamiwa kushinda, kucheza Aston Villa hakuhatarishi yeye kuwa chaguo la kwanza Ubelgiji. Arudi kwenye historian a aangalie nini kiliwakuta waliowahi kuhama”

Christian Benteke(24) mzaliwa wa Kongo Kinshasa, aliyewahi kuvichezea pia vilabu vya Genk, Standard Liege, Kortrijk na Mecheleen zote za Ubelgiji, alisajiliwa na Aston Villa mwaka 2012 akitokea Genk ya nyumbani kwao kwa uhamisho wa pauni milioni 7 tu, ameshaichezea Villa mechi 88 na kufanikiwa kufunga mabao 42 mpaka sasa