MANENO YA BLATTER BAADA YA KUCHAGULIWA TENA KUONGOZA FIFA

Sepp Blatter amesisitiza kuwa ana uwezo mkubwa wa kuifanya Fifa iwe safi na kuirudishia heshima yake ya awali baada ya kuchaguliwa tena kuliongoza shirikisho hilo kubwa linalosimamia kandanda ulimwenguni.

"Ningependa kutoa shukrani zangu za dhati kabisa kwa Prince Ali kwa sababu ni mshindani, mpiganaji na amepata matokeo mazuri tu," Blatter mwenye umri wa miaka 79 alisema katika hotuba yake baada ya ushindi wake.

"Kwa upande mwingine , nawashukuru wanachama wa Fifa kwa kunichagua kulitumikia shirikisho hili kwa miaka mingine minne.  

"Nitakuwa ni muongozaji wa boti hili linalojulikana kwa jina la Fifa na kulifikisha mahali panapohusika ili tuwezeshe kuufukissha mpira wetu mahali pake, lakini tunatakiwa kufanya kazi kweli kweli. 

"Mnakumbuka miaka minne iliyopita baada ya kuchaguliwa kuongoza tena Shirikisho hili, nilikuwa na mambo mengi sana ya kuyatatua. Niliwapa changamoto kipindi kile, Lakini safari hii sitafanya hivyo ila tunatakiwa kuyatatua baadhi ya matatizo yanayoyakabili baadhi ya mashirikisho ili tuweze kufanya kazi kwa uhakika zaidi,"alisema Blatter.