MAN UNITED HAWAWEZI KUMPOTEZA DI MARIA-SCHOLES

Na Ramadhani Ngoda

Licha ya Angel Di Maria kuwa na msimu mbovu na kuishinmdwa kuwapa mashabiki wa United kile walichotarajia, Kiungo wa zamani wa klabu hiyo, Paul Scholes ameibuka na ksema kuwa Di Maria ni aina ya mchezaji ambaye Manchester United inamuhitaji kwa sasa.

Di Maria ambaye alisajiliwa kutoka Real Madrid kwa ada ya uhamisho ya pauni milioni 59.7 amekuwa akihaha kuzoea maisha ya ligi kuu England, hali iliozua shaka kwamba anaweza kuondoka Old Trafford majira ya kiangazi.

Scholes ameonekana kumkingia kifua winga huyo na kumtaja kama mchezaji wa aina ya kipekee ambaye United wasithutu kumwachia na atakuwa na mchango mkubwa msimu ujao wa ligi na ligi ya mabingwa barani Ulaya.

“Ni mwanzo mzuri, lakini kwa pauni milioni 59.7, tulitaraji angeipa United zaid Zaidi ya hiki,” alisema Scholes.

Manchester United wametimiza lengo la msimu kwa kushika nafasi ya nne na kurejea kwenye michuano ya ligi mabingwa Ulaya baada ya kuikosa msimu uliopita walipomaliza ligi katika nafasi ya 7.

Scholes anamuona Di maria kama nyota atakaekuwa na msaada mkubwa katika michuano hiyo mikubwa kwa vilabu barani Ulaya kutokana na uzoefu aliokuwa nao.

“Licha ya yote, bado ni mchezaji bora wa fainali ya ligi ya mabingwa msimu uliopita(akiwa Madrid), Man united wanahitaji mchezaji wa aina hii kama wanataka kushindana katika ligi ya mabingwa, ngoja tuone ataleta nini msimu ujao,” aliongeza Scholes.

Usajili wa mapema wa winga wa kimataifa wa Uholanzi Memphis Memphis Depay pamoja na uwepo wa wachezaji kama Ashley Young ambaye alikuwa na msimu mzuri Man United, vyote vinahatarisha nafasi ya Angel Di maria katika kikosi cha kwanza cha mashetani wekundu hao.

Tayari tetesi kutoka katika vilabu vya Paris Saint Germain (PSG) NA Bayern Munich kumuhitaji Muargentina huyo zimeshachukua nafasi katika vyombo vya habari kabla ya dirisha la usajili kufunguliwa lakini awali nyota huyo alisikika akisema angependa kuthibitisha thamani yake OLD Traffor msimu ujao baada ya msimu wa huu kuwa mbovu kwake.

Angel Di Maria(kushoto) akiwa na mchezaji mwenzake Lionel Messi(kushoto) katika moja ya mechi za timu ya taifa ya Argentina.

Licha ya kutofanya vizuri msimu uliomalizika ikiwa ni msimu wake wa kwanza Old Trafford, bado kocha wa timu ya taifa ya Argentina, Gerado 'Tata' Martino amemjumuisha winga huyo katika kikosi cha timu ya taifa hilo kwa ajili ya michuano ya 'Copa America'