KAULI YA KOCHA WA PRISONS KUHUSU 'MBEYA DERBY' KESHO SOKOINE!

HII ndio kauli ya kocha mkuu wa Prisons, Mbwana Makata kuelekea mechi ya kesho dhidi ya Mbeya City katika uwanja wa Sokoine, Mbeya.

“Hatuna namna ya kuepuka kushuka daraja zaidi ya kushinda michezo miwili iliyobaki kuanzia wa kesho na Mbeya City. Najua itakuwa mechi ngumu, lakini tutapambana kwa nguvu zetu zote. Nimewajenga wachezaji kisaikolojia, nashukuru sasa hivi wachezaji wanaimarika sana, wanajituma kwa hali ya juu”.

Prisons wapo nafasi ya 12 wakijikusanyia pointi 25 sawa na Ndanda fc wanaoshika nafasi ya mwisho, lakini Wajelajela wana wastani mzuri wa magoli ya kufunga na kufungwa.

Ndanda wamefunga magoli 18 na kufungwa 29, tofauti ni -11, wakati Prisons wamefunga magoli 17 na kufungwa 22, tofauti ni -5.