KIUNGO mshambuliaji mpya wa Yanga ambaye amesajiliwa kurithi mikoba ya Mrisho Ngassa aliyetimkia Free State Stars ya Afrika kusini, Deus Kaseke amekabidhiwa jezi namba nne (4) katika klabu yake hiyo mpya.
Katika misimu miwili ya ligi kuu Tanzania bara aliyoichezea Mbeya City fc, Kaseke amekuwa akivaa jezi hiyo.
Kwasasa mlinzi kijana wa Yanga, Rajab Zahir alikuwa anaitumia jezi hiyo, lakini wakati Kaseke akitambulishwa rasmi leo na Yanga, makao makuu ya klabu hiyo, mitaa ya Jangwani, Kariakoo, Dar es salaam, amepewa jezi hiyo.
Kwanini Deus Kaseke amechagua jezi namba 4 kama ilivyokuwa Mbeya City?
Stori nyuma ya pazia ni kwamba; Kaseke anampenda sana kiungo wa zamani wa Yanga, Athumani Idd 'Chuji' ambaye kwa muda mrefu amekuwa akitumia jezi namba 4.
Chuji ambaye alicheza Yanga kwa mafanikio makubwa ni mchezaji kipenzi cha Kaseke, hivyo aliamua kutumia jezi kama yake (namba 4) akiamini siku moja atafanikiwa kama nyota huyo.
Mbali na kucheza Yanga, Chuji pia alicheza Simba kwa mafanikio pamoja na timu ya Taifa ya Tanzania.
'Kaka Mkubwa' Chuji kwasasa ni mchezaji wa Mwadui fc iliyopanda kucheza ligi kuu soka Tanzania bara.
0 comments:
Post a Comment