COUTINHO HAJUI KAMA ATATEMWA NA YANGA AU LA!, LAKINI 'ANAKULA BATA' KAMA KAWA NA FAMILIA KAMA YAKE!

KOCHA mkuu wa Yanga, Mholanzi, Hans van der Pluijm atarejea nchini juni sita mwaka huu na kuanza kukinoa kikosi chake kwa ajili ya michuano ya Kagame juni 8.

Kombe la Kagame litaanza kutimua vumbi Julai 11 mwaka huu jijini Dar es salaam.

Lakini wakati Pluijm anasubiriwa kwa hamu, Yanga wameanza usajili wa wachezaji wapya na kuwaongezea mikataba wachezaji wake kwa mujibu wa mapendekezo ya kocha.

Swali kubwa ni je, Andrey Coutinho ataachwa kwenye usajili wa majira haya ya kiangazi?

Huyu ni mchezaji mwenye mkataba na Yanga wa mwaka mmoja na nusu, ila haijulikani kama ataendelea kubaki au atasepeshwa.

Tetesi zilishazagaa mapema baada ya kumalizika kwa ligi kuu mei 9 mwaka huu kwamba Coutinho ataachwa.

Mbrazil huyo kwa wakati huu yupo zake kwao akipumzika na familia yake kama inavyoonekana pichani chini;