Real Madrid wametangaza rasmi kumfukuza kocha wa klabu hiyo Carlo Ancelotti.
Muitaliano amefukuzwa mara baada ya kuipeleka Madrid mpaka mwisho wa msimu bila taji lolote.
Ancelotti ndio kocha aliyefanikiwa kuwapa Madrid taji la kumi la UEFA almaarufu La Decima.
Rais wa Madrid Florentino Perez amesema: "Nataka kuwaambia kwamba tumeamua kuachana na Carlo Ancelotti kama kocha wa Real Madrid coach. Yamekuwa ni maamuzi magumu kwa bodi lakini kama siku zote tunavyosema, hatupo hapa kufanya maamuzi rahisi rahisi isipokuwa maamuzi yenye manufaa kwa timu.
"Carlo Ancelotti kwa miaka hii miwili, amefanya mazuri sana kwa klabu na mashabiki pia. Carlo ni sehemu ya historia ya klabu hii. Lakini kama sote tunavyofahamu, katika klabu hii mahitaji ni makubwa mno. Tunadhani ni muda sasa wa ingizo jipya ambalo litatusaidia kupata makombe mengine na kufanikisha ushindini wa klabu katika ngazi za juu.
"Kwa ukubwa wa timu yetu, vipaji na juhudi tulizonazo, tunaweza kufanya zaidi ya hapa na kuwaridhisha mashabiki wetu. Nataka kumshukuru Carlo kwa kazi yake kubwa ndani ya miaka hii miwili na namwambia kuwa hapa bado ni nyumbani kwake. Wiki ijayo tutajua jina la kocha mpya wa Real Madrid.
Alipoulizzwa kuhusu ni nani mwenye uwezekano mkubwa wa kurithi mikoba ya Ancelotti, Perez aliongeza: "Ingekuwa vizuri kama kocha mpya atakuwa anazungumza kihispaniola."
0 comments:
Post a Comment