BAADA YA USHINDI MNONO WA JANA DHIDI YA WEST BROM, WENGER ALIKUWA NA HAYA YA KUSEMA

Theo Walcott alionesha kiwango cha hali ya juu akiwa kama mshambuliaji wa mwisho, akifunga mabao matatu katika kipindi cha kwanza huku Arsenal ikiibuka na ushindi wa magili 4-1 dhidi ya Wet Brom

Baada ya ushindi huo mnono, Arsene Wenger amesema kuwa anataka matokeo mazuri zaidi ya hayo ya jana: "Tunataka zaidi ya hapo!"

Lakini pia Wenger ameonesha kufurahishwa sana na kiwango bora kilichooneshwa na Jack Wilshere pamoja na Theo Walcott ambao wote kwa pamoja walitupia wavuni katika mchezo huo.

"Theo Walcott alikuwa na mchezo mzuri sana leo. Alikuwa katika ubora wake na pia aliweza kuendana na kasi ya mchezo vizuri. Vilevile kwa Jack Wilshere," Wenger alisema.

"Nilikuwa sifikirii kitu chochote kuhusu kombe la FA kuelekea mchezo wa leo (jana). Nia yangu ilikuwa ni kuchagua kikosi ambacho kingeweza kuibuka na ushindi tu katika mchezo huu.

"Hatukuwa na mwanzo mzuri msimu huu, lakini baadaye tulikaa sawa, na kuanzia mwezi Januari kuendelea tulileta ushindani wa kutosha.

"Tumefuzu moja kwa moja kwenye michuano ya UEFA msimu ujao. Lakini tunahitaji zaidi. Tunataka kupambana kuhakikisha tunatwaa kombe la ligi kuu mwakani."

Walcott akishangilia moja ya magoli aliyofunga katika mchezo wa jana dhidi ya West Brom. Kushoto kwake ni Hector Bellerini na kulia kwake ni Jack Wilshere