ARSENAL SASA WASHINDWE WENYEWE KWA SCHNEIDERLIN

Kiungo wa Southampton Morgan Schneiderlin amekiri kuwa anataka kuhamia moja ya vilabu vikubwa vya nchini Uingereza ili kutimiza ndoto yake ya kucheza ligi ya mabingwa barani Ulaya.

Schneiderlin (25) alikuwa akihusishwa kuhamia klabu ya Tottenham msimu uliopita, lakini klabu yake ambayo tayari ilikuwa imeshawauza Rickie Lambert, Luke Shaw, Adam Lallana na Dejan Lovren ilikataa ofa hiyo.

Lakini taarifa zilizopo ni kwamba Southampton wamewaambia Arsenal naTottenham ambao ndio wanaonekana kumhitaji kiungo huyo kwamba waotoe kiasi cha paundi 25 ili kumnasa Mfaransa huyo.

"Ndio, Nadhani nimeshafanya maamuzi tayari," Schneiderlin aliiambia moja ya radio za nchini Ufaransa"Nimejifunza mengi sana msimu uliopita. Nia bado ni kubaki Uingereza, ni ligi ambayo ninaipenda na ndipo nilipo na mashabiki wengi pia.

"Kama nikihama Southampton basi nitaenda klabu ambayo inacheza zaidi ya Ligi ya Europa.