UNATAKA KUJUA KWANINI MALIMI BUSUNGU AMEFANIKIWA?, BASI SOMA HAPA...

Na Yahaya Mohamed

Malimi Busungu ni mmoja kati ya washambuliaji wakali msimu huu wakiwa katika nafasi ya kuwania kiatu cha mfungaji bora.

Unaweza ukajiuliza ukali wa mshambuliaji huyu wa timu ya Mgambo JKT unatokana na nini? 

Mtandao huu umefanya nae mahojiano kujua siri ya mafanikio yake na mipango ya badae.

Busungu amesema siri kubwa ya kufanya vizuri msimu huu ni kubadilishwa namba uwanjani.

“siri ya mafanikio yangu ni kocha wangu bakari shime ambaye alinibadilisha kutoka kuwa mchezaji wa pembeni na kucheza kama mshambuliaji” alisema busungu.

Mshambuliaji huyo alijiunga na mgambo msimu huu akitokea timu ya polisi moro.

Busungu ameongeza kuwa pamoja na kuchezea timu ya jeshi yeye ni raia wa kawaida tofauti na wachezaji wengine.

Kuhusu kumalizana na Yanga anasema taarifa hizo ni za kweli japo ni mapema mno kuzungumzia kwani hivi sasa bado wapo kwenye mazungumzo.