SIMBA, NDANDA VITANI, OKWI KUENDELEZA MAKALI YAKE LEO?

Mzunguko wa kwanza, Simba walifanikiwa kuifunga team hiyo mkoani Mtwara katika uwanja mkongwe wa Nangwanda Sijaona.

Mechi iliyopita kiungo hatari wa timu hiyo , Emanuel okwi alifanikiwa kuipatia timu hiyo magoli matatu katika ushindi wa goli nne. Goli moja likifungwa na winga mzawa Singano.

  Ukiitazama Simba iliyocheza na Mbeya City na Simba iliyocheza juzi dhidi ya Mgambo JKT ni timu mbili tofauti.

Okwi alitengeneza kombinesheni nzuri na viungo wenzake hali iliyoifanya timu hiyo ambayo bado ina ndoto ya kushika nafasi ya pili kuwa nzuri. Mechi na Mbeya City Okwi aliikosa mechi hiyo baada ya kuwa na kadi tatu za njano.

  Lakini Ndanda FC wanaoshikilia nafasi ya 8 wakiwa na pointi 28 bado wanahitaji sana pointi tatu kujihakikishia kutokushuka daraja.

Ukitazama timu zilizoko chini yake , wanapishana kwa pointi chache sana kwa wastani wa game moja.

Ndanda watakaza sana leo dhidi ya Simba . Pia wanajua mechi ya mwisho ni mtihani kwao.

Ndanda tarehe 9 May , watamalizana na Yanga ambao wanaonesha nia ya kuubeba ubingwa huo kwa heshima kubwa.

Yaani hata kama Azam atapoteza leo kwa Stand na kuihakikishia ubingwa Yanga , bado safu yake ya ushambuliaji inahitaji kuandika historia kwa wingi wa magoli.