HAYA MANENO YA RUVU SHOOTING KUHUSU YANGA YETU MACHO!

RUVU Shooting kupitia kwa Msemaji wao, Masau Bwire wamewabeza Yanga wakidai hawana uwezo wa kutandaza soka maridadi zaidi ya mpira wa kukimbizana kama wanariadha.

Licha ya kufungwa 7-0 msimu uliopita, Shooting wamedai Yanga hawakuonesha uwezo wa kucheza soka siku hiyo na kama watu wanabisha basi wakumbuke nini kilitokea januari 18 mwaka huu ambapo timu hizo zilitoka suluhu katika mechi ya ligi kuu iliyopigwa uwanja wa Taifa, Dar es salaam.

Beki wa kati wa Ruvu Shooting, George Michael Osei alimkaba ‘Kindava’ mshambuliaji wa Yanga, Amissi Tambwe na ikafika wakati akambaka kuooni na kumtoa damu mdomoni.

Kutokana na tendo hilo, Michael alifungiwa mechi tatu baada ya kamera za gazeti la Michezo la Champion kufichua ukatili huo, lakini Bwire amesema kesho mlinzi huyo kisiki ataongoza ngome ya ulinzi.

“Yanga ni watu wa mbio sana, hawamiliki mpira, tatizo lao wanapiga mipira mirefu ya juu na wanaanza kukimbizana, tuna vijana makini, imara, wenye nguvu na maarifa mengi ya kucheza mpira, wako tayari kuwadhabiti hao wanariadha” Amesema Bwire na kusisitiza: “Michael (Geroge Osei) atakuwa miongoni mwa mabeki watakaoongoza safu ya ulinzi, mabeki wana jukumu la kuhakikisha lango lao linakuwa imara, namba mbili atamzuia anayemkaba, namba tatu atamzuia anayemkaba, kila mmoja kwa idara yake atatimiza majukumu yake”.