MAN UNITED KUFANYA KUFURU MWISHO WA MSIMU

Mats Hummels na Paul Pogba

Klabu ya Manchester United inajipanga kutumia zaidi ya Pauni Milioni 100 mwishoni mwa Msimu kwa ajili ya usajili ili kuimarisha Kikosi chao.

Depay Memphis

  Man United, ambao sasa wapo katika Nafasi ya 4 kwenye msimamo wa Ligi Kuu England nyuma ya Chelsea, Man City na Arsenal, mwanzoni mwa Msimu walitumia zaidi ya Pauni Milioni 150 kununua Wachezaji wapya wakiwemo Radamel Falcao, aliechukuliwa kwa Mkopo kutoka AS Monaco, na Angel Di Maria, ambao hawajaonyesha cheche zozote mpaka sasa dimbani Old Trafford.

Ripoti za gazeti la daily mirror zimedai kuwa sasa Van Gaal atalenga Wachezaji Vijana waliokomaa na mahiri kwenye Klabu na Timu zao za Taifa.

 Miongoni mwa walengwa wake waliotajwa kwenye Ripoti hiyo ni Beki wa Germany na Klabu ya Borussia Dortmund, Mats Hummels, mwenye Miaka 26, na Chipukizi wa Kimataifa wa Holland, Memphis Depay.

Wengine ni Kiungo wa France na Juventus, Paul Pogba ambae alitokea Timu ya Vijana ya Man United, Fulbeki wa FC Porto Danilo na Mbrazil wa Barcelona Dani Alves.

Pia waliwahi kutajwa Garreth Bale anaesakamwa na Mashabiki wa Klabu yake Real Madrid lakini mwenyewe amesisitiza kuendelea kubaki katika dimba la Santiago Bernabeu Mjini Madrid.