MLINZI wa pembeni wa City Hamad Kibopile ametoa tahadhari kubwa kwa timu ya Ndanda Fc kuwa isijipe mtumaini kuwa itapata ushindi mbele ya Mcc Fc licha ya kuchea nyumbani kwenye mchezo wa ligi kuu soka Tanzania Bara unatarajia kuchezwa jumamosi ya tarehe 4 mwezi ujao kwenye uwanja wa Nangwanda Sijaona mkoani Mtwara.
Akizungumza mara baada ya kumalizika kwa mazoezi asubuhi ya leo kwenye uwanja wa Sokoine jijini Mbeya Kibopile alisema kuwa wanafahamu kama ndanda watakuwa nyumbani siku hiyo lakini hiyo siyo sababu ya kuwafanya wao kushinda.
Hamad Kibopile akiwa anarusha mpira (hauonekani Pichani) kwenye mchezo wa ligi kuu kati ya City na Mgambo uliochezwa kwenye uwanja wa Sokoine
“Tunafahamu watakuwa nyumbani, lakini hilo siyo sababu ya kuwafanya wahesabu ushindi mbele ya City, tumejiandaa vizuri kukabiriana nao, tutakuwa tunacheza mara ya kwanza huko lakini hatuna wasiwasi na viwanja vya ugenini, mara nyingi tumekuwa tukiibuka washindi hii ni kwa sababu ya ubora wa timu yetu kwa hiyo natoa angalizo kwao wanapaswa kujiandaa na wajue kuwa wanakuja kucheza na timu ya kiwango cha juu kabisa” alisema.
City inakutanatana na ndanda kwa mara ya pili baada ya kufanikiwa kupata ushindi wa bao 1-0 kwenye mchezo wa kwanza uliochezwa kwenye uwanja wa Sojoine jijini Mbeya.
0 comments:
Post a Comment