KAULI YA MSUVA KUHUSU MOTO ANAOWASHA LIGI KUU HII HAPA.............

WINGA hatari wa Yanga, Saimon Msuva amemshukuru Mungu kwa kumfanya aendelea kung'ara msimu huu wa ligi kuu soka Tanzania bvara.

Msuva alifunga mabao mawili jana kati ya matatu waliyofunga jana dhidi ya JKT Ruvu, wakati lingine lilifungwa na Daniel 'Danny' David Mrwanda.

Yanga ilishinda 3-1 na bao pekee la JKT Ruvu lilifungwa kwa shuti kali na Samuel Kamuntu.

"Namshukuru sana Mungu kwa kuendelea kufunga, nitajikaza zaidi, najua kuna changamoto kubwa, kuna wakati unakosea na kupatia, mimi nafurahia ushirikiano uliopo baina ya wachezaji wenzangu"

"Ubingwa kwetu ndio kila kitu, lazima tuwe makini kuhakikisha tunashinda mechi zote". Alisema Msuva.

Kwa matokeo ya jana Yanga wamepaa kileleni zaidi kwa kujikusanyia pointi 40 baada ya kucheza mechi 19 wakifuatiwa na Azam fc wenye pointi 36, lakini wameshuka dimbani mara 18.