CHELSEA YAIWINDA SAINI YA BALE, YATENGA MKWANJA HUO HAKUNAGA ENGLAND

WAZEE wa Darajani, Mjini London, Chelsea sasa wameamua, kuwa katika mipango ya kumnasa kiungo wa Real Madrid, Gareth Bale na wametenga paundi milioni 75.

Iwapo Jose Mourinho atakubaliana na Real Madrid kumnasa Bale kwa kitita hicho itakuwa ni rekodi mpya ya usajili nchini Uingereza.

Gazeti la Uingereza la 'Dailymail' zimeripoti  kuwa Real Madrid tayari wana taarifa hizo za Chelsea lakini wanaona angalau Bale abaki msimu mmoja zaidi.

Bale alitua Madrid kwa kitita cha pauni milioni 86 akitokea Tottenham na kumfanya awe mchezaji ghali zaidi duniani.

Raia huyo wa Wales, tayari ameanza kuonesha cheche zake akiwa na Madrid na jana aliifungia timu yake ya taifa mabao mawili wakati ikiichapa Esrael kwa mabao 3-0 katika mechi ya kuwania kucheza michuano ya Ulaya.