BRAZIL KUENDELEA KUPOZA MACHUNGU YA KOMBE LA DUNIA KWA CHILE YA ALEX SANCHEZ KESHO

Ile safari ndefu ya Brazil kufuta huzuni na fedheha kubwa waliyopata Nyumbani kwao Sao Paulo Mwaka Jana walipobamizwa 7-1 na Germany kwenye hatua ya Nusu Fainali ya Kombe la Dunia, ilipungua Juzi huko Paris walipoitwanga France 3-1mabao ya naodha Neymar,Oscar na Luis Gustavo, lakini kesho Jumapili wapo London Uwanja wa Emirates kucheza na Chile katika Mechi nyingine ya Kirafiki.

Tangu fedheha ya Sao Paulo, Brazil wakiwa chini ya Kocha mpya Dunga na Kepteni mpya Neymar wameshinda Mechi zao zote 7.

Jumapili wataivaa Chile, ambao ni wenzao kutoka Marekani ya Kusini, watakaoongozwa na Alexis Sanchez ambae Emirates ni Uwanja wa Nyumbani kwa vile Klabu yake ni Arsenal.

Mbali na Neymar, Brazil ya Dunga inang'ara kutokana na umahiri wa Wachezaji wake hasa David Luiz, Oscar na Roberto Firminho.

Mechi na Chile ni moja ya matayarisho ya Brazil kwa ajili ya kombe la Copa America, Mashindano ya Nchi za Marekani ya Kusini, yatakayochezwa huko Chile kuanzia Mwezi Juni mwaka huu.