SIMBA NA YANGA ZACHANGIA KWA ASILIMIA KUBWA KUPOROMOSHA VIWANGO VYA WACHEZAJI TANZANIA

Na Frank .M. Mgunga

Klabu ya wakatamiwa Mtibwa Sukari yenye maskani yake katika dimba la Manungu Turiani mkoani Morogoro kwa kupitia msemaji wake Thobias Kifaru imesema klabu kongwe hapa nchini zinachangia kwa asilimia kubwa kuporomosha viwango vya wachezaji katika mchezo wa soka.

Baada ya kusambaa kwa taarifa za nyota watano wa klabu hiyo wamegoma kusaini mkataba mpya kuendelea kuitumikia Mtibwa na wapo mbioni kujiunga na klabu kongwe hapa nchini Simba na Yanga, Kifaru ameiambia Mpenja Blog kuwa klabu hiyo haina taarifa kama hizo, kwani bado wachezaji wake wote wapo kambini na hali ni shwari wakijiandaa na mchezo unaofuata Ligi kuu soka Tanzania Bara.

Kifaru alisema kuna baadhi ya watu ambao wanataka kutia dosari klabu hiyo na kuiharibu picha nzuri ya klabu hiyo ambayo imetoa wachezaji wengi sana kujiunga na klabu kubwa hapa nchini kama vile Azam, Simba na Yanga, lakini bado klabu hizo zina mchango mkubwa kuporomosha viwango vya wachezaji vipukizi.

" Sisi hatuna taarifa hizo zilizotapakaa kuwa wachezaji wa Mtibwa Sukari wana hili na lile na wapo mbioni kuondoka klabuni kujiunga na klabu za Simba na Yanga, wengi wa wachezaji wetu ambao wamekulia katika klabu ya Mtibwa Sukari wamejiunga na hizi klabu kubwa lakini wamekuwa wakisugua benchi kwa muda mrefu, mfano hai ni wachezaji Said Bahanuzi, Hussein Javu, Hussein Sharif " Casillas", Issa Rashid Baba Ubaya amabo wamekuwa wakisugua benchi katika klabu zao," alisema Kifaru.

Kifaru aliendelea kusema hadhanii kundi wachezaji hao hawako tayari kujiunga na klabu kubwa hapa nchini baada ya kuona wenzao wakisugua benchi na kuguswa na kambao hili.

"Mimi nafikili kundi la wachezaji hao awako tayari kujiunga na klabu za Simba na Yanga baada ya kuona wenzao wakijiunga na klabu hizo na kucheza kwa muda mfupi kisha kusugua benchi," alisema Kifaru.