OWEN HARGREAVES AIONYA MANCHESTER UNITED KUTOMSAJILI MATS HUMMELS

Kiungo wa zamani wa klabu ya Manchester United na timu ya Taifa ya Uingereza Owen Hargreaves ameionya klabu hiyo na kusema kuwa haipaswi kumsajili beki wa kati wa klabu ya Borrusia Dortmund Mats Hummels.

Mats Hummels
Hargreaves alisema beki huyo ambaye amekuwa katika anga za Manchester United kwa muda mrefu, si mtu sahihi kutua katika dimba la Old Trafford kwani bado ni mzito sana katika ukabaji pamoja na kupeleka mashambulizi.

“Sidhani kama Hummels ni mtu sahihi kujiunga na klabu ya Manchester United kwa sasa kwani ligi kuu nchini Uingereza ni ligi ngumu na yenye washambuliaji mahili wenye uchu wa kufumania nyavu, na kwa mfumo ambao anacheza Hummels ataigharimu klabu,” Hargreaves aliliambia gazeti la BT Sport.

Hargreaves, ameitumikia klabu ya Manchester United kwa miaka minne katika dimba la Old Trafford na kucheza mechi 39 pekee kutokana na majeraha yaliokuwa yanamuandama.