KUELEKEA mechi ya ligi ya mabingwa kati ya Manchester City na wacatalunya Barcelona itakayopigwa leo katika uwanja wa Etihad kocha wa Mabingwa hao wa Uingereza Manuel Pellegrin ameonesha kujihami mapema ili asipoteze mchezo huo.
Akiongea na waandishi wa habari hapo jana pellegrin alisema kuwa timu yoyote inabidi ijipange vizuri inapoenda kukutana na Barcelona katika hatua yoyote ile.
"Kitu cha muhimu inabidi tumiliki mpira kwa muda mrefu na kuwazuia Barca wasije golini kwetu " Alisema
Kwa upande mwingine kiungo wa klabu hiyo Samir Nasri amesema kuwa msimu uliopita hawakuwa vizuri ndiyo maana wakatolewa na wacatalunya hao lakini msimu huu wamejipanga vizuri kuelelea mchezo huo na hawatawaogopa ila watawaheshimi tu.
Aidha kocha wa Barcelona Luis Enrique amesema katika hatua kama hii timu mbili zenye nia ya kuchukua ubingwa zinapokutana,zote zinakuwa bora hivyo wamejipanga vizuri kupambana na matajiri hao wa Uingereza.
Timu hizi zilipokutana msimu uliopita katika hatua kama hii Barcelona ilibuka na ushindi wa 2-0 katika mechi ya kwanza iliyopigwa katika uwanja wa Etihad huku mechi ya marudiano iliyo pigwa nchini Hispania katika uwanja wa Camp Nou iliisha kwa Barcelona kushinda 2-1 hivyo kufuzu hatua ya robo fainali kwa jumla ya magoli manne kwa moja.
Baada ya mechi ya leo kupigwa mchezo wa marudiano utachezwa tarehe 18 mwezi wa tatu huko nchini Hispania katika uwanja wa Camp Nou.
0 comments:
Post a Comment