KILA LA KHERI CHAMA LA WANANCHI DAR YOUNG AFRICANS

YANGA wanaikabili BDF XI ya Botswana katika mechi ya marudiano ya kombe la Shirikisho inayopigwa leo majira ya saa 12:00 jioni mjini Gaborone.

Wanajangwani wanaingia uwanjani wakiwa na faida ya ushindi wa mabao 2-0 walioupata februari 14 mwaka huu uwanja wa Taifa, Dar es salaam.

Mabao yote siku hiyo yalifungwa na Amissi Tambwe.

Ili kusonga mbele Yanga wanahitaji sare ya aina yoyote ile au kutofungwa zaidi ya goli 1-0.

Mtandao huu unawatakia kila la kheri wawakilishi hao wa Tanzania.

Kikubwa wacheze kwa nidhamu, wawe makini katika mechi, wasi-paniki, wasiwaze kama wanaonewa endapo yatatokea mazingira ya aina yao.

Fitina zipo kwenye michuano kama hii, lazima wategemee wakati huu wapo ugenini, cha msingi wasipambane na fitina, wacheze mpira kwasababu uwezo wanao.

Wajilinde vizuri, watengeneze nafasi za mapema, watafute bao la ugenini na kama watafanikiwa kuwafunga ndani ya dakika 15 za kwanza, BDF watachanganyikiwa na mechi itakuwa ngumu kwao.

Mechi hii itarushwa moja kw amoja na Azam TV kuanzia saa 11:30 jioni.

Mungu Ibariki Tanzania, Mungu Ibariki Tanzania!