JAMES RODRIGUEZ NJE MIEZI MIWILI BAADA YA KUVUNJIKA MFUPA WA MGUU.

Klabu ya Real Madrid chini ya Kocha Carlo Ancelloti imedhibitisha kuwa kiungo mshambuliaji wa klabu hiyo na timu ya taifa ya Colombia James Rodriguez amevunjika mfupa katika mguu wake wakipambana na klabu ya Sevilla katika mchezo wa ligi, ambapo Real Madrid ilifanikiwa kuibuka na ushindi wa magoli mawili kwa moja.

Mabingwa hao watetezi wa kombe la klabu bingwa Barani Ulaya pia wapo njia panda kuhusu beki wao wa kati Sergio Ramos, ambae nae alipata jeraha la nyama za paja katika mchezo huo na huenda akaukosa mchezo wao dhidi ya majirani Atletico Madrid wikiendi hii.

James ambae alifungua kalamu ya magoli katika huo, alikimbizwa hospitali kwa uchunguzi zaidi baada ya kuumia na sasa atakuwa nje kwa takribani miezi miwili.