HENRY AANZA ‘KWA NEEMA’ SKY SPORTS

Gwiji wa zamani wa Arsenal, Mfaransa Thierry Henry ameanza kazi Sky Sports huku akidai timu hiyo imeshuka kabla klabu yake hiyo haijaibuka na ushindi wa bao 2-0 dhidi ya mabingwa watetezi Manchester City

Mapema kabla ya mchezo huo Henry mwenye miaka 37 sasa aliikosoa klabu hiyo huku akisema inakosa kiungo wa ulinzi madhubuti wa kuwalinda Per Mertasacker na Laurent Konscienly. Nyota huyo alidai mchezaji wa zamani wa klabu hiyo ambaye kwa sasa anatesa West Ham Alex Song angeweeza kumudu kuiboresha seehemu hiyo na hivyo kukosekana kwa kiungo wa ulinzi kunaifanya kupitika kirahisi

Hata hivyo washika bunduki hao walimudu kuibuka na ushindi wa bao 2-0 ugenini kupitia mabao ya Santi Cazorla na Olivier Giroud

Nyota huyo, alisisitiza na kukumbushia enzi za Patrick Vieira na Gilberto Silva ambao waliiwezesha Arsenal kumaliza msimu pasipo kupoteza msimu wa 2003-04.

Nyota huyo akaendelea kusisitiza kuwa ukiitizama timu hiyo ni kama yenye kupigania nne bora pekee. Hata hivyo alisema ni wakati wa wao kupambana kuwania mataji. “nina uhakika Arsene, washabiki na bodi haya wanataraji zaidi na zaidi. Inaweza kusikitisha Arsenal kufungwa na Stoke City. Wanamkosa mchezaji aina ya (Patrick) Vieira na Gilberto Silva” alisema. kwa upande mwingine Henry anaamini Arsenal ilifanya kosa kubwa kumuuza Alex Song.

'Song ni kama nahodha katika boti. Anawalinda walinzi wakati. Unahitaji mmtu mpambanaji mwenye kuipandisha timu na pia kusaidia kuwapanga wenzie kwa kufanya madhambi madogomdogo kama  alivyokuwa Claude Makelele'

kabla ya ushindi huo Arsenal ilikuwa imeambulia alama moja pekee kati ya 21 uwanjani hapo.

Hata hivyo baada ya pambano hilo, Mfaransa huyo alielezea kushangazwa na kiwango cha timu hiyo pamoja na umiliki wa 32% pekee

'Arsenal mara nyingi hupenda kukaa na mpira lakini leo ilikuwa tofauti kwani hawakuwa na mpira muda mwingi wa mchezo huku umiliki wa 32% pekee ukiwahakikishia ushindi.

'Mtizame Cazorla alivyong’ara leo (jana), watu wamemtaja Alexis Sanchez lakini usimsahau ni Santi Cazorla’.