CRISTIANO Ronaldo amewaomba radhi
mashabiki wa Real Madrid kufuatia timu hiyo kuvuliwa ubingwa wa kombe la Mfalme
dhidi ya mahasimu wao wa mji, Atletico Madrid.
Ronaldo aliwaonesha mashabiki wake
tuzo yake ya tatu ya Ballon d’Or kabla ya kuanza kwa mechi ya jana usiku ya
hatua ya 16 uwanja wa Bernabeu ambapo Real walikuwa wanajaribu kubadili kipigo
cha 2-0 walichopata uwanja wa Vicente Calderon.
Ingawa Fernando Torres alifunga mabao
mawili, Sergio Ramos na Ronaldo walisawazisha, lakini Atletico walifuzu hatua
ya robo fainali kwa wastani wa mabao 4-2 na watachauana na Barcelona.
“Haiwezekani kuwa vizuri kila mechi
kwa asilimia 100,” Mshambulizi huyo wa Ureno aliwaambia waandishi wa habari.
“Sitoki sayari nyingine”, aliongeza
nyota huyo mwenye miaka 29. “kwa niaba ya timu naomba radhi, labda tungeweza
kufanya kitu kizuri zaidi”.
“Siku zote kupoteza sio jambo zuri,
lakini lazima ukubaliane nalo”.
“Timu itarudi kwenye kiwango chake na
tuna nafasi ya kushinda La Liga na ligi ya mabingwa”
0 comments:
Post a Comment