Imechapishwa Julai 16, 2014, saa 12:35 asubuhi
MANCHESTER United imewachukua wachezaji wawili wenye umri wa miaka 15 kutoka Benfica kwa lengo la kuwafanyia majaribio.
MANCHESTER United imewachukua wachezaji wawili wenye umri wa miaka 15 kutoka Benfica kwa lengo la kuwafanyia majaribio.
Winga mwenye thamani kubwa, Joao Filipe aliwasili katika uwanja wa mazoezi wa United wa Carrington jana jumanne na kutazamwa na makocha wa timu hiyo.
Mchezaji mwingine aliyechukuliwa kwa majaribio ni mlinda mlango, Joao Virginia.
Mashetani wekundu watamfanyia majaribio Filipe kwa miezi sita na tayari kinda huyo alisharipotiwa kuwindwa na Barcelona.
Kinda mkali: Joao Filipe (wa pili kulia) akiwa katika gari kuelekea uwanja wa mazoezi wa Manchester United wa Carrington.
JOAO FILIPE NI NANI?
Umri: 15
Kimo: 5ft5in
Nafasi: Winga, anaweza kucheza sehemu yoyote ya ushambuliaji
Klabu ya sasa: Benfica
Anaowapenda: Cristiano Ronaldo, Lionel Messi, Neymar
TIMU NYINGINE ZINAZOMTAKA Barcelona, Real Madrid, Chelsea, Liverpool, Arsenal
Benfica inahangaika kuwasainisha mikataba ya muda mrefu nyota hao wawili, lakini inakabiliana na changamoto kubwa kutoka duniani kote.
Wachezaji wengi makinda wamekuwa wakichukuliwa na United, lakini hawadumu.
Japokuwa kwa hawa wawili, United wana msimamo wa kuwasajili mapema kutokana na Filipe na Viriginia kuwa miongoni mwa wachezaji wakali vijana nchini Ureno siku za karibuni.
Walipoulizwa kuhusu wachezaji hao wawili, United walisema kamwe hawazungumzi lolote juu ya wachezaji wanaofanya majaribio klabuni hapo.
Amefichwa: ' Cristiano Ronaldo mwingine' (katikati) akiwa amepanda katika gari ghali ya Range Rover kuelekea uwanjani.
0 comments:
Post a Comment