UJERUMANI 2 vs 2 CAMEROON: SAMUEL ETO`O AFUNGA NA KUSHANGILIA KWA STAILI YA KIBABU KINACHOTEMBELEA MKONGOJO, AENDELEA KUMPIGA MADONGO MOURINHO

Mfungaji wa bao la kwanza la Cameroon, Samuel Eto'o

Mambo ya Eto`o hayo, Mourinho kazi anayo safari hii.

Eto'o amerudia tena staili ya kuonesha uzee wake baada ya kufunga bao na haya bado ni majibu kwa Mourinho.

Imechapishwa Juni 2, 2014, saa 9:26 asubuhi

MSHAMBULIAJI mkongwe, Samuel Eto`o jana usiku aliifungia bao la kuongoza timu ya taifa ya Cameroon katika mechi ya kirafiki ya kimataifa kujiandaa na fainali za kombe la dunia dhidi ya timu ya taifa ya Ujerumani.

Katika mechi hiyo iliyomalizika kwa sare ya 2-2, mkongwe huyo mwenye miaka 33 alifunga bao dakika ya 62 na kushangilia kwa `staili` yake ya kikongwe anayetembelea mkongojo.

Ikumbukwe aliwahi kushangilia kwa  `staili` hiyo wakati alipoifungia Chelsea bao ikiwa ni kejeli kwa kocha wake, Jose Mourinho aliyekuwa anambeza kuwa kwasasa Mcameroon huyo amezeeka.

Eto'o, aliingia katika vita ya maneno baada ya maneno hayo ya kejeli kutoka kwa Mourinho aliyehoji umri wake sahihi mapema mwanzoni mwa msimu, na baada ya kufunga jana alikimbilia sehemu ya kibendera cha kona na kushangilia kwa staili yake ya comedi inayoonesha uzee wake.

Kikosi cha Ujerumani: Weidenfeller, Boateng, Mertesacker, Hummels, Durm (Howedes, 85), Khedira (Kramer, 73), Kroos, Muller, Ozil (Podolski, 63), Reus, Gotze (Schurrle, 58).
Wachezaji wa akiba: Zieler, Grosskreutz, Schmelzer, Schweinsteiger, Klose, Mustafi, Draxler, Ginter, Volland.
Wafungaji wa magoli: Muller, 66, Schurrle, 71.
Aleyoneshwa kadi ya njano: Boateng.
Kikosi cha Cameroon: Itandje, Djeugoue, Bedimo (Assou-Ekotto, 58), N'Koulou, Song, Mbia (N'Guemo, 46), Enoh, Matip, Choupo-Moting, Moukandjo, Eto'o (Webo, 90).
Wachezaji wa akiba: N'Djock, Kana Biyik, Nounkeu, Aboubakar, Makoun, Chedjou, Idrissou, Bong Songo, Nyom, Salli, Olinga, Loe.
Wafungaji wa magoli: Eto'o 62, Choupo-Moting, 78.
Aliyeoneshwa kadi ya njano: Song, Enoh.
Mwamuzi: Damir Skomina (Slovenia)

Nyota huyo wa zamani wa Barcelona na Inter alifunga bao la kwanza lakini dakika chache baadaye Thomas Muller aliunganisha krosi nzuri ya Jerome Boateng na kusawazisha bao hilo.

Wenyeji waliandika bao la kuongoza kupitia kwa nyota wa Chelsea Andre Schurrle baada ya kutumia vyema pasi ya Lukas Podolski.

Hata hivyo bao hilo halikudumu baada ya  Eric Maxim Choupo-Moting -kuisawazishia Cameroon.

 Thomas Muller akiunganisha krosi ya  Jerome Boateng na kuisawazishia bao Ujerumani.

 Andre Schurrle akishangilia bao lake na Lukas Podolski

Tabasamu kubwa: Kipa wa Cameroon ,  Eric Choupo-Moting (kulia)  akipongezwa na  Benoit Assou-Ekotto