SIMBA WASIOFUGIKA CAMEROON WAANZA VIBAYA KOMBE LA DUNIA, WACHAPWA 1-0 NA MEXICO, WAAMUZI TENA...

Oribe Peralta (kushoto) aliwafungia Mexico bao pekee la ushindi katika dakika ya 61.

BAO pekee la Oribe Peralta katika dakika ya 61 limetosha kuwapa Mexico ushindi wa mechi ya kwanza ya fainali ya kombe la dunia nchini Brazil, lakini bado waamuzi wameonekana kuzua hofu kiuwezo

Mwamuzi kutoka Colombia, Wilmar Roldan aliwanyima mabao mawili Mexico katika dimba la Natal Estadio das Dunas kipindi cha kwanza baada ya kutoa maamuzi ya kuotea kwa mfungaji wa mabao hayo, mchezaji wa zamani wa Tottenham Giovani dos Santos.

Lakini mambo yalikuwa nafuu kwa Mexico waliotawala mchezo huo baada ya mlinda mlango wa Cameroon Charles Itandje kuutema mpira uliopigwa na Dos Santos na ukamkuta Peralta akiwa katika nafasi nzuri ambapo hakufanya makosa na kuukwamisha mpira nyavuni.

Matokeo hayo yanawapa nafasi nzuri Mexico kufuzu hatua ya 16 bora kutoka kundi A sambamba na wenyeji Brazil na timu hizo zitaumana jumanne ya wiki ijayo mjini

Fortaleza.

Peralta akishangilia bao lake

Wachezaji wa Mexco wakishangilia bao lao usiku huu.

Siku mbaya: Giovani Dos Santos alishuhudia mabao yake mawili yakikataliwa

Kikosi cha Mexico leo: Ochoa, Layun, Moreno, Marquez, Rodriguez, Aguilar, Guardado (Fabian 69'), Vazquez, Herrera, Giovani, Peralta (Hernandez 74').

Wachezaji wa akiba: Corona, Salcido, Reyes, Jimenez, Pulido, Ponce, Brizuela, Aquino, Pena, Talavera.
Kdi ya njano: Moreno
Goli: Peralta 61'

Kikosi cha Cameroon: Itandje, Djeugoue (Nounkeu 45'), N'Koulou, Chedjou, Assou-Ekotto, Song (Webo 79'), Mbia, Enoh, Moukandjo, Eto'o, Choupo-Moting.

Wachezaji wa akiba: Feudjou, Aboubakar, Makoun, Bedimo, Fabrice,
Salli, Matip, Nyom, N'Djock.
Kdi: Nounkeu

Mwamuzi: Wilmar Roldan Perez
Idadi ya mashabiki: 39, 216