ROY HODGSON: BILA WASIWASI, ALEX OXLADE-CHAMBERLAIN ATAKUWA FITI KOMBE LA DUNIA

 Alex Oxlade-Chamberlain akiwa na  Raheem Sterling (kulia) wakitazama mechi jana.

 

BOSI wa England , Roy Hodgson amesema bila kupepesa macho, Alex Oxlade-Chamberlain atakuwa fiti kucheza fainali za kombe la dunia kuanzia wiki ijayo nchini Brazil.

Winga huyo wa Arsenal aliumia katika mechi ya kirafiki dhidi ya Ecuador jumatano iliyopita ambapo England ilitoka sare ya 2-2 na katika mchezo wa jana dhidi ya Honduras nyota huyo alikuwepo uwanjani kutazama.

Baada ya suluhu ya bila kufungana jana mjini Miami, Hodgson alisema: “Kila mtu yuko fiti.  Oxlade-Chamberlain anaendelea kuimarika vizuri. Nadhani atacheza mashindano bila wasiwasi”

 

 Alex Oxlade-Chamberlainalipata majeruhi ya goti kwenye mechi ya kirafiki dhidi ya Ecuador.

Hodgson ana matumaini kuwa  Ox atakuwa fiti kuwababili Costa Rica juni 24 , lakini yuko hatarini kukosa michezo miwili ya ufunguzi dhidi ya Italia na Uruguay.

Nyota huyo mwenye miaka 24 alionesha kiwango cha juu katika sare ya 2-2 dhidi ya Ecuador kabla ya kuumia.