RIBERY ANAWEZA KUKOSA FAINALI ZA KOMBE LA DUNIA, LAKINI HAIFUNGUI MLANGO KWA SAMIR NASRI

Pengo kubwa: Frank Ribery anahangika na matibabu ya Mgongo  ili ashiriki kombe la dunia.

Bata batani!: Samir Nasri yuko mapumzikoni na `demu` wake na hataitwa hata kama Ribery hatapona.

 Coach Didier Deschampnyota  alisema atafanya kila linalowezekana kumsaidia nyota wake acheze fainali za kombe la dunia.

 Imechapishwa Juni 4, 2014, saa 10:01 jioni

WINGA wa Bayern Munich, Frank Ribery bado yuko kwenye hofu kubwa ya kutoiwakilisha Ufaransa katika fainali za kombe la dunia nchini Brazil, lakini Samir Nasri hataitwa kama mbadala wake.

Jumatatu ya wiki hii, Ribery alitajwa katika kikosi cha wachezaji 23 tayari kwa safari ya Brazil  , lakini bado yuko katika wasiwasi kama ataimarika majeruhi yake ya mgongo.

Remy Cabella wa Montpellier - ambaye anawindwa na  Newcastle - na mchezaji wa Lyon, Alexandre Lacazette wako makini kusikilizia nafasi hiyo endapo Ribery atashindwa kupona.

Nyota huyo mwenye miaka 31 alikosekana katika ushindi wa mabao 4-0 ambao Ufaransa ilipata jumanne katika mechi ya kirafiki dhidi ya Norway.

Pia alitokea benchi katika mchezo wa kirafiki dhidi ya Paraguay ambapo timu hizo zilitoka sare ya 1-1. 

 Shirikisho la soka nchini Ufaransa liliripotiwa likisema kuwa ijumaa ya wiki hii ndio siku ya mwisho kusubiri kama Ribery ataimarika, lakini inaonekana limeamua kumuacha mpaka atakapokuwa tayari.

Kinadharia, Deschamps atasubiri mpaka zibaki saa 24 kucheza mechi ya ufunguzi dhidi ya Honduras juni 15 ili kutangaza mbadala wa Ribery.