JULIAS KISARAWE KUVURUMISHIANA MAKONDE DHIDI YA MORO BEST JUN 7

 

Imechapishwa Juni 6, 2014, saa 12:10 jioni

Bondia Julias kisarawe kesho anategemea kupanda ulingoni kuzipiga na Hassan kiwale “Morobest”  katika ukumbi wa Friends Corner Manzese jijini Dar es salaa. Pambano hilo kali litakuwa  la raundi nane.

Akizungumza na vyombo vya habari , muandaaji wa pambano hilo, Sempai Gola na ofisa wa ngumi za kulipwa nchini,  Pembe Ndava kwa pamoja walisema maandalizi yote yamekamilika na mabondia wapo katika hali nzuri ukiondoa kasoro ndogo iliyojitokeza kwa Moro Best ambaye alitakiwa acheze na Fadhili Majia na sasa atacheza na Julias Thomas kisarawe ambaye ni mbadala mkali kwani bondia huyo hajapoteza mchezo katika michezo yake kumi na mbili aliyocheza.

Pambano hilo linategemewa kuanza jioni mida ya saa kumi na kutakuwepo na mapambano mengi mno ya utangulizi.