DABA YAANDAA MASHINDANO YA KUWANIA KOMBE LA MEYA, LENGO NI KUKUZA VIPAJI

Afisa habari wa DABA Mwamvita Mtanda

Imechapishwa Juni 3, 2014, 2014, saa 10:52 jioni

Chama cha ngumi za ridhaa mkoa wa Dar es Salaam DABA kimeandaa
mashindano ya kuwania kombe la Meya kwa ajili ya kuibua na kukuza
vipaji vya mchezo huo mkoani humo.

Ngumi za ridhaa ndiyo chimbuko la ngumi za kulipwa kwani mabondia
wanatakiwa kuanzia huko kabla ya kuanza kucheza masumbwi ya kulipwa
hivyo chama cha mchezo huo mkoani Dar Es Salaam kimeandaa mashindano ya kuibua vipaji vya masumbwi.

Afisa habari wa DABA Mwamvita Mtanda amesema mashindano hay yataanza Juni nne hadi Juni nane mwaka huu na zoezi la upimaji uzito litafanyika jumatano hii.

Afisa habari huyo amesema maandalizi yamekamilika huku akiamini
waamuzi watatenda haki na kuongeza kuwa mabondia watakaoshiriki
watatoka katika miji ya Nairobi na Mombasa nchini Kenya ambao watakuwa chachu ya kuongeza upinzani wa michuano hiyo.

Mapambano ya ngumi za ridhaa yamekuwa yakifanyika mara chache hivyo
kuhitajika jitihada za dhati katika kuinua mchezo wa masumbwi.