CLARENCE SEEDORF KITUMBUA CHAINGIA MCHANGA SAN SIRO, ANZAGHI APATA ULAJI

AC Milan amemtimua kazi kocha wake mkuu, Clarence Seedorf na kumteau Filippo Inzaghi kuwa kocha mpya wa klabu hiyo.

Mholanzi, Seedorf  alifika San Siro mwezi januari mwaka huu akirithi mikoba ya Massimiliano Allegri baada ya klabu kuanza vibaya msimu, lakini amepoteza kazi baada ya AC Milan kumaliza katika nafasi ya nane kwenye msimamo wa Seria A.

Inzaghi, ambaye ni gwiji wa  San Siro kama ilivyokuwa kwa Seedorf, hawajawahi kufundisha timu ya wakubwa, lakini amepandishwa kutokea katika timu ya vijana chini ya miaka 19 ya AC Milan.

Gwiji wa AC Milan , Filippo Inzaghi ameteuliwa kuwa kocha mpya San Siro

Milan wakiwa na  Mario Balotelli katika safu ya ushambuliaji walimaliza katika nafasi ya nane Seria A  msimu uliopita.

Taarifa ya klabu imesomeka : `AC Milan inapenda kutoa taarifa kuwa kocha Clarence Seedorf amefukuzwa kazi na timu ya kwanza amekabidhiwa kwa  Pippo Inzaghi  mpaka juni 30, 2016.'

Kwa mujibu wa gazeti la  Gazzetta dello Sport, bodi ya  Milan awali haikutaka kulipa malimbikizo ya mshahara wa Seedorf ambao alikuwa anawadai baada ya kusaini mkataba wa miaka miwili na nusu.

Hata hivyo klabu hiyo itaendelea kumjali na kumlipa mshahara nyota huyo wa zamani wa Uholanzi mpaka mkataba wake utakapomalizika.