RIO FERDINAND `BAI BAI` MANCHESTER UNITED, ANYIMWA MKATABA MPYA

 MAISHA ya Rio Ferdinand katika klabu ya  Manchester United yamefikia kikomo baada ya mkongwe huyo kupewa taarifa kuwa hataongezewa mkataba.

Inafahamika kuwa mkurugenzi mkuu wa Old Trafford, Ed Woodward alimwaga mchele kwa Ferdinand mwenye miaka 35 kwenye chumba cha kubadilishia nguo siku ya jumapili katika mchezo wa sare 1-1 dhidi ya Southampton.

Watu wengi walikuwepo katika chumba hicho na kushangazwa na taarifa ya Woodward ambaye aliweka mamboo hadharani kuwa miaka 12 ya Ferdinand inatosha kabisa na ataondoka majira ya kiangazi mwaka huu.

Beki huyo wa zamani wa England aliwaambiwa wachezaji wenzake kuwa sare ya 1-1 katika dimba la  St Mary ndio mchezo wake wa mwisho na aliomba kusaini mpira ili kuacha kumbukumbu yake.

 Rio Ferdinand ataondoka Manchester United kama mchezaji huru baada ya klabu yake kusema haitamuongezea mkataba

 Ferdinand aliyedumu Man United kwa miaka 12, alipigwa picha akichuana na Frank Ribery wa Bayern Munich kwenye mechi ya robo fainali ya UEFA

Historia nzuri: Ferdinand alibeba kombe la UEFA mwaka 2008 akiwa na mkongwe mwenzake, Ryan Giggs baada ya kuifumua Chelsea kwa penati.

Benchi sana: Ferdinand alihangaika sana kupata nafasi ya kucheza wakati wa utawala wa  David Moyes mapema msimu huu

Mtu shujaa: Ferdinand alisindikizwa kutoka nje ya uwanja na Robin van Persie baada ya kurushiwa shilingi na kuumizwa katika mchezo wa watani wa jadi wa jiji la Manchester mwaka 2012.