PEP GAURDIOLA HATARINI KUPOTEZA UMOJA WA WACHEZAJI BAYERN, KLABU ZA ENGLAND ZAFUATILIA `NGADO KWA NGADO`

PEP Guardiola  anapigana vita ya ndani kwa ndani katika klabu yake ya Bayern Munich baada ya kazi yake kuingia dosari msimu huu katika michuano ya UEFA, huku akihusishwa kuelekea ligi kuu soka nchini England.

Mhispani huyo alifika ujerumani mwanzoni mwa msimu huu na tayari ameshashinda taji la Bundesliga, UEFA Super Cup na kombe la  FIFA la klabu bingwa ya Dunia.

Lakini kocha huyo wa zamani wa Barcelona anapigana vita ya kukishawishi kikosi chake kiendeleza mafanikio waliyoyapa siku za karibuni.

Presha juu: Pep Guardiola yupo hatarini kupoteza umoja katika vyumba vya kubadilishia nguo katika klabu ya  Bayern Munich

 Licha ya kushinda makombe matatu msimu huu, kipigo cha aibu walichokipata Bayern kutoka kwa Real Madrid hatua ya nusu fainali ya UEFA kimeibua maswali juu ya  hatima yake ya baadaye.

Kuna mitazamo kuwa timu imeshuka kiwango chini ya Guardiola, na hii inahusishwa na kipigo kutoka kwa Carlo Ancelotti.

Mbaya sana kuna kundi la wachezaji wanaanza kuunga mkono mitazamo hii , hivyo Guardiola kuwa hatarini kupoteza umoja wa wanandinga wake.

Kuna hisia miongoni mwa watu kuwa umoja mkubwa wa timu ilioachwa na Louis van Gaal na Jupp Heynckes umeanza kupotea chini ya Guardiola.

Gwiji wa soka wa Bayern Franz Beckenbauer wiki iliyopita alionesha kuumizwa sana na kiwango cha timu hiyo kufuatia kipigo walichoambulia kutoka kwa Real.

Mnyama!: Bayern  walitolewa na Real Madrid hatua ya nusu fainali ya UEFA msimu huu.

Waharibifu: Cristiano Ronaldo na Gareth Bale walikuwa katika kiwango cha juu dhidi ya Bayern.

"Bayern hawako sawa. Hiki ni kitu tunachokifahamu kwa muda wa wiki sasa. Wameshuka morali mno," alisema Beckenbauer.

"Siwezi kubadili mtazamo wangu na ninachotaka kuona ni timu kucheza mpira na kushambulia sana kadri inavyowezekana".

"Real wana kikosi kikali msimu huu na mapungufu yetu yamefichuka".

Kama matatizo ya ndani ya Allianz Arena yatasababisha Guardiola aishi kwa msimu mmoja tu nchini Ujerumani ni kitu cha kusubiria.

Lakini kuna klabu nyingi za Uingereze zinazofuatilia hali ya Guardiola majira ya kiangazi mwaka huu na kama ataondoka basi itakuwa nafasi nzuri ya kumchukua.

Mabingwa: Guardiola ameiongoza Bayern  kubeba taji la Bundesliga katika msimu wake wa kwanza klabuni hapo