KIMENUKA TOTTENHAM HOTSPURS, TIM SHERWOOD KITUMBUA CHAINGIA MCHANGA, AFUTWA KAZI

Amesepa: Tim Sherwood amefukuzwa kazi katika nafasi yake ya ukocha mkuu Tottenha.

TIM Sherwood amefukuzwa kazi Tottenham Hotspur kama kocha mkuu baada ya kudumu kwa miezi sita tu kwenye uwanja wa White Hart Lane.

Sherwood alirithi mikoba ya Andre Villas-Boas mwezi desemba mwaka jana kwa mkataba wa miezi 18, lakini ameshindwa kufikia msimu wake wa pili baada ya kibarua chake kuota nyasi.

Levy (katikati) amefanya maamuzi magumu ya kuvunja mkataba wa Sherwood ;

Tetesi za kutimuliwa kwa Sherwood zilianza mwezi uliopita na mwisho wa siku mwenyekiti wa Spurs, Daniel Levy  ameamua kumfukuza ili kutafuta kocha mwingine atakayeweza kuiendeleza klabu hiyo.

Sherwood alishinda mechi14 katika michezo 28 aliyoiongoza Spurs na kumaliza nafasi ya 6 katika msimamo.

Hata hivyo, kocha huyu mwenye miaka 45 anaweza kupewa ofa nyingine ya kazi katika klabu inayocheza Championship ya Brighton baada ya aliyekuwa kocha wake Oscar Garcia kujiuzulu kufuatia kufungwa na Derby.

 Levy amesema katika mtandao wa klabu: 'Tulimteua Tim katikati ya msimu kwasababu alikuwa anawajua wachezaji wa klabu.

"Tulikubaliana mkataba wa miezi 18 lakini tulizungumza kuvunja mkataba mwishoni mwa msimu na tumefanya hivyo".

 "Kwa niaba ya klabu, tunamshukuru kwa jitihada zake kwa miaka aliyokaa nasi. Tunamtakia mafanikio makubwa katika kazi yake ya ukocha'".