MOURINHO AMPOTEZEA DEMBA BA, EVERTON WATUPA NYAVU ZAO, ASERNA NAO..........

Anawindwa: Demba Ba ameifungia mabao muhimu sana Chelsea msimu huu na sasa yupo kwenye rada za Everton.

 KLABU ya Everton imeweka mipango ya kumsajili mshambuliaji wa Chelsea, Demba Ba kwa dau la paundi milioni 10 ili arithi mikoba ya Romelu Lukaku.

Baada ya kuonesha kiwango kizuri Goodison Park katika mkataba wake wa mkopo, Jose Mourinho anataka kumrejesha kikosini Mbelgiji huyo.

Bosi Roberto Martinez anahitaji kuongeza nguvu katika safu yake ya ushambuliaji na amevutiwa na mshambuliaji huyo wa zamani wa Newcastle mwenye miaka 28 kwasababu wiki za karibuni amekuwa akifunga mabao muhimu.

Anarudi: Lukaku amefunga mabao 15 katika mechi 32 alizoichezea Everton msimu huu.

Japokuwa alifunga bao la kwanza katika ushindi wa 2-0 dhidi ya Liverpool na bao la ushindi dhidi ya PSG katika michuano ya UEFA, Ba bado hana nafasi ya kubakia Chelsea.

Wazee wa darajani wanatarajia kuleta angalau mshambuliaji mmoja majira ya kiangazi mwaka huu.

Vijana wa Merseysiders walituma maombi ya kumsajili nyota huyo wa Senegal msimu uliopita kabla ya kupewa Lukaku kwa mkopo lakini sasa wana mpango wa kutuma ofa nyingine tena kwa Ba.

Everton wanahitaji kuongeza nguvu katika kikosi chao kwa ajili ya michuano ya ligi kuu na Europa msimu ujao.

Chelsea imeripotiwa kuwa tayari imeshamwabia Demba Ba kuwa ataondoka klabuni hapo, wakati huo huo mshambuliaji huyo amethibitisha kuondoka baada ya kushindwa kupata mafanikio chini ya Jose Mourinho.

West Ham, Arsenal, West Brom na Fenerbahce pia zinahusishwa kutaka kuinasa saini ya nyota huyo.

Roberto Martinez anataka kuingia katika soko la usajili mapema ili kupata mrithi wa Lukaku.