CHELSEA YASUBIRI MIUJIZA KUTWAA UBINGWA, YAKAZIWA NA NOWRICH, ARSENAL MWENDO MDUNDO UEFA

 

CHELSEA imeshindwa kupanda kileleni katika msimamo wa ligi kuu soka nchini England baada ya kutoka suluhu pacha ya bila kufungana na Nowrich City.

Kwa matokeo ya leo, Mourinho anabakia katika nafasi ya tatu akiwa na pointi 79 baada ya kucheza mechi 37.

Kama Chelsea wangeshinda leo wangefikisha pointi 81 kileleni, huku wakisubiri matokoe ya mechi ya kesho kati ya Liverpool dhidi ya Crystal Palace.

Ili kutwaa ubingwa, Chelsea wanasubiri maajabu ya soka kutokea kwasababu wanaomba Man City na Liverpool wapoteze mechi zao zote za mwisho na wao kushinda mechi yao.

 

Kama Liverpool na Man City watapoteza mechi zote, halafa Mourinho akashinda basi atakaa kileleni kwa pointi 82.

Lakini kwa kiwango cha Man City na Liverpool kupoteza mechi zote yatakuwa ni maajabu makubwa katika ulimwengu wa soka.

Man city wapo kileleni kwa pointi 80 kufuatia ushindi wa mabao 3-2 waliopata jana dhidi ya Everton katika dimba la Goodison Park.

Liverpool wapo nafasi ya pili kwa pointi 80, lakini wanazidiwa wastani wa mabao ya kufunga na kufungwa.

Ili kutwaa ubingwa, Liverpool waliocheza mechi 36 sawa na Man City wanahitaji kushinda mechi zote mbili huku wakiombea Man City ashinde mechi moja na kutoa sare moja.

Kama Man City na Liverpool watashinda mechi zao zote za mwisho, bingwa atapatikana na kwa wastani wa mabao ya kufunga na kufungwa, lakini Man City watakuwa wapo sehemu nzuri.

Mpaka sasa, Liverpool wamefunga mabao 96 na kufungwa mabao 46, ukitoa mabao ya kufunga na kufungwa unapata mabao +50.

Man City wamefunga mabao 96 na kufungwa 37, ukitoa mabao ya kufunga na kufungwa unapata +59.

Kwa hesabu hizo, Liverpool atahitaji kushinda mechi zake zote kwa mabao mengi zaidi ili kufuta tofauti ya mabao 9.

 

Katika mechi nyingine, bao pekee la Mfaransa Olvier Giroud limewapa ushindi wa bao 1-0 Arsenal dhidi ya West Ham.

Kwa matokeo hayo, Asernal wamejihakikisha kumaliza nafasi ya nne na kufuzu UEFA mwakani.

BAADA YA MECHI ZA LEO HUU HAPA MSIMAMO WA EPL

English Barclays Premier League | LOGS

Pos	Team	P	W	D	L	GF	GA	GD	Pts
1	Manchester City	36	25	5	6	96	37	59	80
2	Liverpool	36	25	5	6	96	46	50	80
3	Chelsea	37	24	7	6	69	26	43	79
4	Arsenal	37	23	7	7	66	41	25	76
5	Everton	37	20	9	8	59	39	20	69
6	Tottenham Hotspur	37	20	6	11	52	51	1	66
7	Manchester United	36	18	6	12	60	41	19	60
8	Southampton	37	15	10	12	53	45	8	55
9	Newcastle United	37	15	4	18	42	57	-15	49
10	Stoke City	37	12	11	14	43	51	-8	47
11	Crystal Palace	36	13	4	19	28	43	-15	43
12	West Ham United	37	11	7	19	40	49	-9	40
13	Swansea City	37	10	9	18	51	53	-2	39
14	Aston Villa	36	10	8	18	39	54	-15	38
15	Hull City	36	10	7	19	37	48	-11	37
16	West Bromwich Albion	36	7	15	14	42	55	-13	36
17	Sunderland	36	9	8	19	38	57	-19	35
18	Norwich City	37	8	9	20	28	60	-32	33
19	Fulham	37	9	4	24	38	83	-45	31
20	Cardiff City	37	7	9	21	31	72	-41	30