PELLEGRINI ALAMBA `MATAPISHI` YA MOYES!!

MANUEL Pellegrini ameanza harakati za kumuwinda beki wa kati wa Sampdoria inayoshiri ligi kuu nchini Italia, Seria A, Shkodran Mustafi.

Beki huyo mahiri alitemwa na kocha wa Manchester United mwaka 2012 wakati huo akiwa na Everton kwa madai ya kutokuwepo katika mipango yake.

Bosi huyo wa Manchester alisema mchezaji huyo kijana hakukidhi vigezo vyake Goodison Park na kumruhusu  kuhama bure.

Mustafi kipindi akiwa na Moyes  katika klabu ya Everton alicheza mechi moja tu,  nayo alianzia benchi.

Pia beki huyo anapirotiwa kuwindwa na Juventus, baada ya kuwa na msimu mzuri  Sampdoria na kucheza mechi 31 katika mashindano yote msimu huu.

Mustafi alipewa nafasi mara moja ya kuchezea timu ya Taifa ya Ujerumani  baada ya kocha Joachim Low kumwita mwezi februari mwaka huu wakati Ujerumani ilipocheza mechi ya kirafiki dhidi ya Chile.

Manchester City wanataka kuimarisha safu yao ya ulinzi baada ya Matija Nastasic kusumbuliwa zaidi na majeuhi, wakati huo huo Joleon Lescott akitarajia kuondoka bure majira ya kiangazi mwaka huu kufuatia mkataba wake kumalizika na klabu kutokuwa na mpango naye.