Rais Jakaya Kikwete ashauriwa kukutana na Sata wa Zambia

 

Katibu Mkuu wa Chama Cha Mapinduzi (CCM), Abdulrahman Kinana akizungumza na wafanyakazi wa TAZARA

………………………………………………………………………

Na Mwandishi, Wetu Mbeya

CHAMA Chama Cha Mapinduzi (CCM), kimesema kuwa kitamshauri Rais Jakaya Kikwete akutane na mwenzake wa Zambia Miachael Sata, ili kumaliza matatizo yanayolikabiliwa Shirika la Reli la Tanzania na Zambia (TAZARA).

Kutokana na hatua hiyo na malalamiko ya wafanyakazi CCM imesema kuwa ikiwa Serikali za nchi hizo zimeshindwa kuliendesha shirika hilo ni vema ikakabidhiwa Serikali ya China.

Kauli hiyo ameilewa leo mjini hapa na Katibu Mkuu wa Chama Cha Mapinduzi (CCM), Abdulrahman Kinana,  alipokuwa akijibu kero zinazowakabiliwa wafnyakazi wa TAZARA upande wa Tanzania ambapo amesema alisema kuwa shirika hilo limekuwa linakabiliwa na changmoto kadhaa ikiwemo kushindwa kujiendesha kwa ufanisi.

 “Tunajua sasa TAZARA imekuwa ikikabiliwa na matatizo mengi hivyo ninapenda kukubaliana nanyi wafanyakazi kuwa shirika hili hivi sasa limekuwa linahujumiwa kwa makusudi. Haiwezekani mapato yanayopatika kwa kwa kipindi cha miezi mitatu ni Sh bilioni 7.

“Mishahara ya wafanyakazi ni Sh bilioni 1 kwa mwezi halafu hawalipwi hadi maandamano na migomo hili si sawa hata kidogo,” alisema Kinana
Kutokana na hali hiyo Katibu Mkuu huyo wa CCM alisema kuwa atamshauri Jakaya Kikwete aweze kukutana na Rais mwenzake wa Zambia Michael Sata ili kuweza kumaliza changamoto 34 zinazolikabili shirika hilo.

Reli ya TAZARA ilijengwa mwaka 1975 kama reli ya ukombozi ambayo kwa sasa imekuwa ikitoa huduma ya usafiishaji wa kizigo na abiri kwa nchi za Tanzania na Zambia