TRA ARUSHA YAFANIKIWA KUKUSANYA BILIONI 205

Na Gladness Mushi, Arusha

MAMLAKA ya mapato mkoa wa arusha (TRA) imefanikiwa kuongeza kiasi cha mapato yake ambapo Jumla ya Bilioni 205 zimefanikiwa kukusanywa kwa kipindi cha mwaka 2012,2013 jambo ambalo limefanya mamalaka hiyo kuendelea kupanua wigo zaidi wa kuhudumia wananchi wa Jiji la Arusha.

Hayo yameelezwa  jana na Meneja wa mamlaka hiyoEvarist Kileva wakati akiongea kwenye uzinduzi wa wiki ya mlipa kodi ambayo inaendelea jijini hapa

Kileva alisema kuwa mamlaka hiyo hapo awali kwa kipindi cha mwaka 2011/2012 walifanikiwa kukusanya kiasi cha Bilioni 176 kama mapato lakini kutokana na juhudi mbalimbali ambazo wamezifanya zimeweza kuongeza kiwango cha mapato hayo

Pia alisema kuwa mbali na kufanikiwa kukusanya bilioni 205 lakini pia wameweza kuweka malengo ya ukusanyaji wa mapato ambapo kuanzia mwezi Julai hadi September 2013 wameweza kukusanya kiasi cha Bilioni 58.021 tofauti na mwaka jana ambapo kwa miezi kama hiyo waliweza kukusanya kiasi cha Bilioni 43 na kutokana na hali hiyo wameweza kuweka ongezeko la Bilioni 14.312 sawa na asilimia 33.

Aidha akitaja changamoto ambazo zinaikabili mamlaka hiyo alisema kuwa ni pamoja na baadhi ya wafanyabiashara tena wakubwa kushindwa kulipa kodi zao kama inavyo staili jambo ambalo nalo linachangia sana kupoteza maana halisi ya mamlaka hiyo lakini hata Serikali kwa ujumla

Hataivyo alitaja changamoto nyingine kuwa ni pamoja na baadhi ya wadau bado hawajaweza kuelewasheria za kodi zinazostaili hasa  zile za msingi hivyo hali hiyo inachangia sana ugumu katika zoezi la ukusanyaji wa kodi

Naye mgeni rasmi katika uzinduzi huo ambaye pia ni mkuu wa mkoa wa Arusha, Magesa Mulongo alisema kuwa suala la ulipaji wa kodi sio suala la hiari basi ni suala la lazima na wala halina rangi wala itikadi za kichama hivyo wananchi hasa wafanyabiashara wanapaswa kujua na kutambua kuwa kwa kushindwa kulipa kodi kutachangia malengo ya TRA lakini pia hata ya serikali kuweza kukwama.