TAARIFA YA JESHI LA POLISI MKOA WA MBEYA KWA VYOMBO VYA HABARI

[DIWANI ATHUMANI - SACP]
KAMANDA WA POLISI MKOA WA MBEYA. 

 “PRESS RELEASE” TAREHE 23. 11. 2013.

WILAYA YA MOMBA – TAARIFA YA KIFO.

MNAMO TAREHE 22.11.2013 MAJIRA YA  SAA 09:00HRS HUKO  KATIKA MTAA WA MAPOROMOKO – TUNDUMA , KATA YA  TUNDUMA ,TARAFA YA   TUNDUMA WILAYA YA  MOMBA MKOA WA MBEYA. VENANCE S/O MARCO, MIAKA 35, MKULIMA, MKINGA, MKAZI WA MTAA WA MWAKA – TUNDUMA ALIFARIKI DUNIA  AKIWA  ANACHIMBA SHIMO LA KISIMA LENYE UREFU WA FUTI 30 BAADA YA  KUKOSA HEWA.  MAREHEMU ALIKUWA AKIFANYA KAZI HIYO NA MWENZAKE SHUNGU S/O JIMSON, MIAKA 35, MNYIHA, MKULIMA, MKAZI WA MTAA WA MERERANI – TUNDUMA AMBAYE ALISTUKA BAADA YA  KUSIKIA MWENZAKE AKIKOROMA AKIWA NDANI YA  SHIMO. SHIMO/KISIMA HICHO NI MALI YA  MANJANO S/O KHONDA, MIAKA 38, MSAFWA, BIASHARA, MKAZI WA MTAA WA MAPOROMOKO – TUNDUMA  AMBAYE NDIYE ALIYEWAPA KAZI YA  KUCHIMBA KISIMA. KAMANDA WA POLISI MKOA WA MBEYA KAMISHNA MSAIDIZI MWANDAMIZI  WA POLISI DIWANI ATHUMANI ANATOA WITO KWA JAMII KUCHUKUA TAHADHARI KUBWA PINDI WANAPOFANYA SHUGHULI ZINAZOHUSIANA NA UCHIMBAJI HUSUSAN MASHIMO YENYE KINA KIREFU ILI KUEPUKA MADHARA YANAYOWEZA KUEPUKIKA.

WILAYA YA MBOZI – TAARIFA YA KIFO.

MNAMO TAREHE  21.11.2013 MAJIRA YA  SAA 18:30HRS HUKO KATIKA KIJIJI CHA SUMBALWELA, KATA YA  IHANDA,TARAFA YA  VWAWA WILAYA YA  MBOZI, MKOA WA MBEYA. MTOTO JEMES S/O MGODE, MIAKA 6, MNYIHA, MKAZI WA KIJIJI CHA SUMBALWELA ALIKUFA MAJI KATIKA MTO IKOMELA WAKATI AKIVUA SAMAKI NA WATOTO WENZAKE WATATU NDANI YA  MTO HUO. KATIKA TUKIO HILO MTOTO ENOCK S/O SIMON, MIAKA 6, MNYIHA, AMELAZWA  HOSPITALI YA  SERIKALI WILAYA YA  MBOZI  HALI YAKE INAENDELEA VIZURI. PIA WATOTO VISENTI S/O ASHERY, MIAKA 6,  MNDALI NA  ALEX S/O ELIAS, MIAKA 5, MNDALI WALIPATIWA MATIBABU NA KURUHUSIWA. KAMANDA WA POLISI MKOA WA MBEYA KAMISHNA MSAIDIZI MWANDAMIZI  WA POLISI DIWANI ATHUMANI ANAENDELEA  KUTOA WITO KWA JAMII HASA WAZAZI/WALEZI  KUWA NA UANGALIZI MAALUM  NA WA KARIBU KWA WATOTO WADOGO  HASA WANAPOKUWA KATIKA MICHEZO YAO ILI KUEPUKANA NA MADHARA YANAYOWEZA KUEPUKIKA.

WILAYA YA MBARALI – KUPATIKANA NA BHANGI.

MNAMO TAREHE 22.11.2013 MAJIRA YA  SAA 14:45HRS HUKO ENEO LA IBARA – RUJEWA MJINI KATA YA  RUJEWA,TARAFA YA  RUJEWA WILAYA YA  MBARALI MKOA WA MBEYA. ASKARI POLISI WAKIWA DORIA WALIWAKAMATA 1. KHALFAN S/O JUMA, MIAKA 30, MKULIMA, MZARAMO NA 2. MICHAEL S/O KIMWAGA, MIAKA 28, MKULIMA, MSANGU, WOTE WAKAZI WA RUJEWA WAKIWA NA BHANGI KETE MBILI SAWA NA UZITO WA GRAM 10. WATUHUMIWA NI WAVUTAJI WA BHANGI, TARATIBU ZINAFANYWA ILI WAFIKISHWE MAHAKAMANI. KAMANDA WA POLISI MKOA WA MBEYA KAMISHNA MSAIDIZI MWANDAMIZI  WA POLISI DIWANI ATHUMANI ANAENDELEA  KUTOA WITO KWA JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA  MTUMIAJI.

Signed by:

 [DIWANI ATHUMANI   - SACP]

KAMANDA WA POLISI MKOA WA MBEYA.