Tegete aingia uwanjani na mabao manne ya Simba!!

 

Tegete ndiye mchezaji wa Yanga aliyemfunga mara nyingi kipa wa Simba aliyecheza mechi nyingi za watani wa jadi, Juma Kaseja ambaye alitemwa na Simba kabla ya kuanza Ligi Kuu ya msimu huu. 

………………………………………………………………………………………………

JERRY Tegete anaingia kwenye mechi ya watani wa jadi Jumapili akiwa na faida moja.

Ndiye mchezaji pekee aliyefunga mabao mengi kwenye mchezo baina ya timu hizo katika kipindi cha miaka 10.

Amri Kiemba wa Simba amefunga mabao mawili kwenye msimamo wa wafungaji wa watani wa jadi ndani ya miaka hiyo 10.

Wafungaji Bora kwa miaka 10 kwenye michezo kati ya Simba na Yanga ni Emmanuel Gabriel na Mussa Mgosi wote walikuwa Simba na wana mabao matano.  Wenye mabao manne ni Jerry Tegete (Yanga) na Nico Nyagawa (Simba).

Haruna Moshi’Boban’ (Simba) ana mabao matatu wakati wenye mabao mawili ni Kiemba (alifunga akiwa Yanga kisha Simba),  Athumani Machupa (Simba), Credo Mwaipopo (Yanga), Emmanuel Okwi (Simba),  Herry Morris (Yanga), Hillary Echesa (Simba) na Kudra Omary (Yanga).

Katika orodha hiyo Kiemba na Tegete tu ndio waliosalia kwenye timu hizo mpaka sasa huku wengine wakistaafu soka na baadhi kuhamia timu nyingine.

Tegete ndiye mchezaji wa Yanga aliyemfunga mara nyingi kipa wa Simba aliyecheza mechi nyingi za watani wa jadi, Juma Kaseja ambaye alitemwa na Simba kabla ya kuanza Ligi Kuu ya msimu huu.

CHANZO: MWANASPOTI