WASHIKA BUNDUKI WAPIGA RISASI 3-1 NA KUBARIZI KILELENI..OZIL NI MASHINE KWELI KWELI!!

Aserne Wenger hajaingia hasara hata kidogo kumnunua Mesut Ozil kutoka Real Madrid majira ya kiangazi kwani  ameendelea kulipa Pauni Milioni 43 zilizotolewa na kumfanya kuwa mchezaji ghali wa klabu ya Arsenal baada ya kutoa pasi zote za mabao matatu, wakatiThe Gunners ikishinda 3-1 dhidi ya Stoke City na kupanda kileleni uwanja wa Emirates na kubarizi kileleni mwa ligi kuu soka nchini England.

Aaron Ramsey alifunga bao lake la saba msimu huu dakika ya tano baada ya kumalizia mpira wa adhabu uliopigwa na Ozil, lakini Geoff Cameron akaisawazishia Stoke dakika ya 26.

Ozil akadhihirisha yeye ni mkali, baada ya mpira wa kona aliopiga kuunganishwa kimiani kwa kichwa na Mjerumani mwenzake, beki Per Mertesacker dakika ya 36 kuipa Arsenal bao la kuongoza.

Vinara wa ligi: Aaron Ramsey akishangilia bao lake lililowawezesha Arsenal kuwa kileleni

Ni mabao tu : Aaron Ramsey akishangilia bao na wachezaji wenzake baada ya kufunga dhidi ya Stoke leo

Ozil tena akamtengenezea Bacary Sagna nafasi ya kufunga bao la tatu dakika ya 72.

Huu unakuwa ushindi wa saba mfululizo kwa Arsenal tangu wafungwe 3-1 nyumbani na Aston Villa katika mchezo wa ufunguzi wa ligi hiyo.

Kikosi cha Arsenal kilikuwa: Szczesny, Sagna, Mertesacker, Koscielny, Gibbs, Flamini, Wilshere/Monreal dk73, Ramsey, Gnabry/Ryo dk73, Ozil/Arteta dk81, Giroud.

Stoke: Begovic, Cameron, Shawcross, Huth, Pieters/Palacios dk67, Wilson, N’Zonzi, Adam/Ireland dk59, Walters, Arnautovic, Jones/Pennant dk75.

Mwenendo mzuri: Ramsey akishangilia bao lake

Mtanikoma: Charlie Adam akishangilia na mfungaji wa bao la Stoke Geoff Cameron na ubao kusomeka 1-1