TAARIFA YA JESHI LA POLISI MKOA WA MBEYA KWA VYOMBO VYA HABARI

 

“PRESS RELEASE” TAREHE 18. 09. 2013. 

WILAYA YA MBEYA MJINI    - AJALI YA GARI KUMGONGA MTEMBEA
KWA MIGUU NA KUSABABISHA KIFO.

MNAMO TAREHE 17.09.2013 MAJIRA YA SAA 06:30HRS HUKO MWANJELWA BARABARA YA  MBEYA/IRINGA JIJI NA  MKOA WA MBEYA.  GARI T.387 BMN AINA YA  TOYOTA COASTER LIKIENDESHWA NA  DEREVA HANSI S/O HUMPHREY, MIAKA 37, KYUSA, MKAZI WA KYELA  LILIMGONGA MTEMBEA KWA MIGUU WESTON S/O HEPA MWALINGO, MIAKA 83, MSAFWA,  MKAZI WA AIRPORT NA KUSABABISHA KIFO CHAKE PAPO HAPO.  CHANZO  KINACHUNGUZWA. MWILI WA MAREHEMU UMEHIFADHIWA HOSPITALI YA  RUFAA MBEYA. DEREVA AMEKAMATWA TARATIBU ZINAFANYWA ILI AFIKISHWE MAHAKAMANI. KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI  ANAENDELEA KUTOA WITO KWA MADEREVA KUWA MAKINI WANAPOENDESHA VYOMBO VYA MOTO KWA KUZINGATIA SHERIA ZA USALAMA BARABARANI ILI KUEPUSHA AJALI ZINAZOWEZA KUEPUKIKA. 

WILAYA YA MBEYA VIJIJINI -   AJALI YA MPANDA PIKIPIKI KUMGONA MTEMBEA KWA
MIGUU NA KUSABABISHA KIFO.

MNAMO TAREHE 17.09.2013 MAJIRA YA SAA 18:30HRS HUKO MBALIZI BARABARA YA TUNDUMA /MBEYA WILAYA YA MBEYA VIJIJINI  MKOA WA MBEYA. PIKIPIKI NA DEREVA ASIYEFAHAMIKA ILIMGONGA MTEMBEA KWA MIGUU  REUBEN S/O MWAKALOBO, MIAKA 22, KYUSA, MKULIMA, MKAZI WA MBALIZI NA KUSABABISHA KIFO CHAKE PAPO HAPO. CHANZO NI MWENDO KASI . MTUHUMIWA ALIKIMBIA NA PIKIPIKI MARA BAADA YA  TUKIO. MWILI WA MAREHEMU UMEHIFADHIWA HOSPITALI TEULE YA  IFISI. KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI ANAENDELEA KUTOA WITO KWA MADEREVA KUWA MAKINI WANAPOENDESHA VYOMBO VYA MOTO KWA KUZINGATIA SHERIA ZA USALAMA BARABARANI ILI KUEPUSHA AJALI ZINAZOWEZA KUEPUKIKA.  AIDHA ANATOA RAI KWA YEYOTE MWENYE TAARIFA JUU YA MAHALI ALIPO MTUHUMIWA NA PIKIPIKI AZITOE ILI AKAMATWE NA SHERIA ICHUKUE MKONDO WAKE, VINGINEVYO AJISALIMISHE  MWENYEWE MARA MOJA.

WILAYA YA KYELA – KUPATIKANA NA BHANGI.

MNAMO TAREHE 17.09.2013 MAJIRA YA  SAA 20:00HRS HUKO KATIKA ENEO KYELA KATI WILAYA YA  KYELA  MKOA WA MBEYA.  ASKARI POLISI WAKIWA DORIA WALIMKAMATA LUGANO S/O RICHARD, MIAKA 23, KYUSA, MKULIMA, MKAZI WA KYELA – KATI  AKIWA NA BHANGI GRAM 20. MBINU NI KUFICHA BHANGI HIYO KWENYE MFUKO WA SURUALI YAKE. TARATIBU ZINAFANYWA ILI AFIKISHWE MAHAKAMANI. KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI  ANATOA  WITO KWA  JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA  MTUMIAJI.

WILAYA YA MBEYA MJINI – KUPATIKANA NA NOTI BANDIA.

MNAMO TAREHE 17.09.2013 MAJIRA YA SAA 10:00HRS HUKO KATIKA BAR IITWAYO NURU INN ENEO LA MBALIZI WILAYA YA MBEYA VIJIJINI MKOA WA MBEYA.  ALIKAMATWA ERICK S/O JAMSON, MIAKA 25, MSAFWA, MKAZI WA NZOVWE AKIWA NA NOTI BANDIA MOJA YA TSHS 10,000/= YENYE NAMBA – DT 2937833. MBINU NI KUTAKA KUNUNUA VINYWAJI KWA KUTUMIA PESA HIYO. TARATIBU ZINAFANYWA ILI AFIKISHWE MAHAKAMANI.  KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI  ANATOA  WITO KWA  JAMII  HASA KATIKA MAENEO YA  KIBIASHARA KUWA MAKINI NA MATUMIZI YA  PESA ILI KUJIEPUSHA NA WATU WANAOTUMIA PESA BANDIA . AIDHA ANATOA RAI KWA YEYOTE MWENYE TAARIFA JUU YA MTANDAO WA  WATU WANAOMILIKI PESA BANDIA  AZITOE KATIKA MAMLAKA HUSIKA ILI HATUA ZA KISHERIA ZICHUKULIWE.

Signed by:

                                                      [DIWANI ATHUMANI - ACP]

  KAMANDA WA POLISI MKOA WA MBEYA.