MWALIMU AKAMATWA KWA TUHUMA ZA KUBAKA WANAFUNZI WAWILI MBARALI

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 16. 09. 2013.

WILAYA YA MBARALI – MWALIMU AKAMATWA KWA TUHUMA ZA KUBAKA
WANAFUNZI WAWILI.

§  MNAMO TAREHE 13.09.2013 MAJIRA YA SAA 21:30HRS HUKO KATIKA SHULE YA SEKONDARI MONTFORT WILAYA YA MBARALI MKOA WA MBEYA.  ANDREW S/O SHADRACK, MIAKA 26,MKURYA, ALIYEKUWA MWALIMU WA SHULE YA  SEKONDARI MONTFORT AKIFUNDISHA MASOMO YA LUGHA YA KIINGEREZA NA MASOMO YA DINI AMBAYE HIVI SASA NI MWALIMU KATIKA SHULE YA SEKONDARI MWEMBENI – MUSOMA MKOANI MARA ALIMBAKA, MWANAFUNZI WA KIDATO CHA NNE SHULENI HAPO JINA LIMEHIFADHIWA, MIAKA 17, MHEHE . MBINU ILIYOTUMIKA NI KUMTOA DARASANI WAKATI AKIJISOMEA “PREPO” NA KUMPELEKA GIZANI KISHA KUMBAKA KWA NGUVU HUKU AKIMPA AHADI MBALIMBALI.

§   AIDHA MAJIRA YA  SAA 22:00HRS KATIKA SHULE HIYO MWALIMU HUYO ALIMBAKA MWANAFUNZI MWINGINE WA KIDATO CHA NNE JINA LIMEHIFADHIWA, MIAKA 18, MPARE. MBINU ILIYOTUMIKA NI KUMUITA KUTOKA BWENI AKIWA AMEPUMZIKA NA KUMBAKA KWA NGUVU HUKU AKIMPA AHADI MBALIMBALI. 

§  MTUHUMIWA ALIKUWA AKIWARUBUNI WAHANGA KWA AHADI MBALIMBALI IKIWA NI PAMOJA NA KUWAPA MSAADA KATIKA MASOMO KWA KUWA ATARUDI KATIKA SHULE HIYO  MUDA SI MREFU KUSHIKA WADHIFA WA MWALIMU MKUU.

§  MTUHUMIWA AMEKAMATWA, TARATIBU ZINAFANYWA ILI AFIKISHWE MAHAKAMANI LEO.

§  KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI  ANATOA WITO KWA JAMII  KUJIEPUSHA NA  TAMAA ZA KIMWILI  NA MADHARA YA  KUFANYA MAPENZI [NGONO]  ZEMBE KWANI NI HATARI KWA  AFYA ZAO. AIDHA ANATOA RAI KWA WATU WAZIMA KUACHA TABIA YA  KURUBUNI /SHAWISHI WATOTO WADOGO HUSUSAN WANAFUNZI KWANI NI KINYUME CHA SHERIA, BADALA YAKE  WAWE WAAMINIFU KWA KUCHAGUA MWENZI MMOJA WA KUISHI NAE.

Signed by:

 [DIWANI ATHUMANI   - ACP]

KAMANDA WA POLISI MKOA WA MBEYA.