Mertesacker ASEMA ASERNAL WAMEVUNJA BENKI KWA OZIL..LAKINI ATAISADIA TIMU KWA HALI YA JUU!!

Na Baraka Mpenja kwa msaada wa Sportsmail

BEKI  nyota wa Asernal, Mjerumani, Per Mertesacker amemsifia kocha wake Arsene Wenger kunasa jembe la ukweli,  Mesut Ozil kutoka Real Madridi licha ya kutumia fedha nyingi zilizovunja rekodi ya klabu yake.

Wenger alitumia dau la pauni milioni 42.5 kwa nyota huyo wa Ujerumani na kuvunja rekodi ya klabu ya Arsenal akiwa kocha mkuu.

Lakini, Mertesacker, amesema Ozil wanayecheza pamoja timu ya taifa atafanya makubwa na kufanikiwa kisoka zaidi akiwa na Arsenal.

“Nadhani anastahili dau alilopewa na Asernal,  Mertesacker aliliambia gazeti la Sportsmail.

‘Ni mchezaji wa aina yake na nafikiri hajafikia kiwango cha mwisho kwa sasa, ana nafasi ya kutisha zaidi”.

 ”Atafaa sana. Ataifaa Asernal. Wote tunahitaji kucheza na yeye tukiwa timu moja, nadhani mchango wake kwa klabu utakuwa mkubwa sana”.

 

Beki kisiki: Per Mertersacker amesema Arsene Wenger amepata jembe la ukweli,  Mesut Ozil

 

Usajili wa nguvu: Nyota raia wa Ujerumani,  Mesut Ozil alijunga na Arsenal akitokea Real Madrid

 

Dume la nguvu: Mesut Ozil alikamilisha uhamisho wake kujiunga na Arsenal siku ya mwisho ya usajili

 

Ujerumani: Per Mertesacker alihudhuria mkutana na waandishi wa habari wakati wa mechi ya kuwania kufuzu fainali ya kombe  la dunia dhidi ya visiwa vya  Faroe Islands