KUELEKEA MECHI YA SPURS VS CHELSEA KESHO WHITE HART LANE…AVB NA MOURINHO WAINGIA KATIKA VITA YA MANENO, WAPIGANA VIJEMBE VYA NGUVU!!

Na Baraka Mpenja kwa msaada wa Sportsmail

HOMA ya pambano kali hapo kesho ligi kuu soka nchini England baina ya Tottenham Hospurs dhidi ya Chelsea, zote za London katika dimba la White Hart Lane inazidi kupamba moto, huku makocha wa timu hizo wakitupiana maneno ya kejeli kati yao na kikubwa ni kukosoana aina ya mpira unaochezwa na timu zao.

Kocha wa Chelsea, Mreno, Mario Jose Dos Santos Ferlix Mourinho amemtuhumu waziwazi kocha wa Tottenham Hospurs,  Andre Villas-Boas kuwa aache tabia ya kitoto baada ya kuanza vita ya maneno, lakini amekiri kuwa Spurs msimu huu ni washindani wa kweli wa kombe la ligi kuu soka nchini England.

Mournho amejibu maneno ya Villas-Boas aliyekaririwa akisema kuwa kamwe hakosi usingizi kuhusu Chelsea pamoja na uhusiano wake mbovu na kocha wake Jose Mourinho.

AVB alisema kabla walikuwa na mahusiano mazuri na Mourinho, lakini yalishavunjika na haimpi shida.

“Haihitaji maelezo kuhusu urafiki na mahusiano yetu na yeye, yalivunjika kitambo”.
” Tunaheshimiana sana na hakuna jinsi, lazima tutaonana tu, lakini sijali kuhusu Chelsea na sio wajibu wangu”. Haya ni baadhi ya maneno ya AVB.

Leo hii kocha mwenye jeuri ya maneno Jose Mourinho amesema: ‘Mimi sio mtoto – kama nina tatizo na mtu yeyote namfuata tunazungumza na kuyamaliza”

 

Anahofu? Jose Mourinho amekiri kuwa Totenham watatoa changamoto kubwa ya ubingwa msimu huu

 

Kitu cha London: Jose Mourinho akiangalia mazoezi ya vijana wake kuelekea mchezo wa kesho dhidi ya Spurs 

 

Mourinho aliuliza uhusiano wa Andre Villas-Boas’s na Sir Bobby Robson.

Robson anasemekana aliingia katika mahusiano yasiyo mazuri na  AVB baada ya kocha huyo kumuingilia katika masuala ua upangaji wa timu katika klabu ya Porto.

Lakini, alipoulizwa kama mambo ya Robson yatakuwa na ushawishi katika mchezo wa kesho katika dimba la White Hart Lane, Mourinho alisema: ‘Wapi Andre alifanya kazi na Bobby Robson? Niambieni – wapi, alifanya kazi naye?’

‘Namkumbuka mke wangu na watoto wangi kila wakati nikifika hapa asubuhi – hivyo ndivyo ilivyo.’

 

Wachezaji wenye ujuzi mkubwa: Oscar (katikati), Eden Hazard (kulia)  na Samuel Eto’o  wakiangaliwa na Mourinho

 

Hakuna mapenzo tena: Jose Mourinho (kushoto) na Andre Villas-Boas wameingia katika vita ya maneno

 
Mata anaweza: Mourinho amekiri kuvutiwa na kiwango cha Mhisapania huyo katika mchezo wa Capital One Cup

Wakati huo huo , Mourinho anatarajia kumtumia Juan Mata katika dimba la White Hart Lane kesho baada ya kuonesha kiwango cha hali ya juu dhidi ya Swindon.

Kocha wa Chelsea aliongeza: ‘Ana akili za kitaalamu na kimataifa. Amefanya jitihada kubwa kunishawishi nimuamini. Kwahiyo sasa niko upande wake.’

RATIBA YA MECHI YA KESHO LIGI KUU SOKA NCHINI ENGLAND NI KAMA IFUATAVYO

England: Premier League

	28/09 04:45	Tottenham	-	Chelsea
	28/09 07:00	Manchester United	-	West Bromwich Albion
	28/09 07:00	Southampton	-	Crystal Palace
	28/09 07:00	Hull	-	West Ham
	28/09 07:00	Fulham	-	Cardiff
	28/09 07:00	Aston Villa	-	Manchester City
	28/09 09:30	Swansea	-	Arsenal