Na Baraka Mpenja kwa msaada wa Sportsmail
HATIMAYE Gareth Bale amekamilisha uhamisho wake jana usiku kujiunga na Real Madrid kwa dau nono la pauni milioni 86 na kuvunja rekodi ya pauni milioni 80 ya Cristiano Ronaldo wakati ule akiunga na klabu hiyo mwaka 2009.
Baada ya makubaliano, Bale atalipwa pauni laki 2 na elfu 56 kwa wiki, na ameanguka mkataba wa miaka 6 na leo hii jumatatu anatarajiwa kupima afya yake tayari kwa kazi moja ya kuing`arisha Real Madrid na kutambulishwa kwa waandishi wa habari.
Sasa Bale amekuwa mchezaji ghali zaidi duniani baada ya kupiku rekodi ya Ronaldo, na kilichobaki kwake ni kuonesha kuwa ana uwezo mkubwa na analingana na dau kubwa kiasi hicho.
Yuko hapa: Nyota mpya wa Real Madrid, Gareth Bale akiwa katika pozi la picha na mashabiki baada ya kuwasili uwanja wa ndege wa Barajas 
Akiondoka: Gareth Bale, wakati akiondoka London jumamosi na hatimaye amekamilisha usajili wake kujiunga na miamba ya Hispania, Real Madrid
Mara mwisho: Bale ameondoka Tottenham akiwa amecheza mechi moja tu ya maandalizi ya msimu mpya wa ligi kuu soka nchini England
0 comments:
Post a Comment